အကြောတက်လျှင်ဒါလေးကိုဆောင်

၂ဦးလုံးစာဖတ်သန်သူတွေမို့အကြောတွေအရမ်းတက်တက်သည်။
တခါတလေလည်ပင်းတ၀ိုက်လေးနေပြီးတောင့်တင်းနေလောက်အောင်အကြောတက်ပါသည်။
အဲလိုနဲ့သူကရှာရှာကြံကြံအင်တာနက်ကနေဆေးဝယ်ပေးဖို့ရှာတော့
ဒီလည်ပတ်လေးရောင်းတာသွားတွေ့သည်။
အဲလိုနဲ့တခုစမ်းဝယ်သုံးကြည့်တော့တကယ်ကိုထိရောက်ပါသည်။
ခုဆိုသူကနေ့တိုင်းနီးပါးမချွပ်တော့။ နောက်ကိုယ့်အတွက်တခု။
ပြီးတော့သူငယ်ချင်းအမကအကြောတက်သည်ဆိုတော့လက်ဆောင်ပေးဖို့တခု။
ယနေ့တော့သူ့အမေအတွက် တခုထပ်ဝယ်သည်။

ဂျပန်တွင်နေသူအများစုတွင်ကျောင်းသူကျောင်းသားအများစုရှိသဖြင့်အလုပ်တဖက်စာတဖက်ဖြင့်
လိုအပ်မည်ဟုထင်ပါသည်။
ယမ်း၁၅၀၀ခန့်ရှိပြီး လည်ပင်းမှာပတ်ရတာဖြစ်သည်။ သံလိုက်ဓါတ်ဖြစ်ပြီး သံလိုက်ကြိုးလေးလို့ပင်
ပြောနိုင်ပါသည်။

ရေစိုခံဖြစ်ပါတယ်။ ကြိုးအရှည်နှင့်အရောင်လဲရွေးလို့ရပါတယ်။
အင်တာနက်မှဝယ်လျှင်
အသေးစိတ်သိလိုလျှင်
အားလုံးကျန်းမာပျော်ရွှင်ကြပါစေ

နောက်လစာမေးပွဲရှိတာမို့ဘလော့ဂ်အရေးကျဲရင်ခွင့်လွှတ်ပေးကြပါ။
လာဖတ်သူအားလုံးကိုခင်မင်ကျေးဇူးတင်လျှက်
：D

Read more »

ရှုံးနိမ့်တယ်...အောင်မြင်တယ်ဆိုတာ...

... အားလုံးကိုဖတ်စေချင်ပါတယ် ...

အခက်ခဲဆိုတာ ဘာလဲ၊ စဉ်းစားကြည့်စမ်းပါ

ကြီးမားသည့်အတားအဆီးဟူသည်
သင့်မျက်စိကို ပန်းတိုင်မှလွှဲဖယ်လိုက်မိစဉ်
မြင်ရတတ်သည့် ကြောက်မက်ဖွယ်ရာတို့ကို
ဆိုပေသည်။
(ဟင်နရီဖို့ဒ်)

......

ဆော့ခရတ္တိအားလူငယ်များကိုစာရိတ္တပျက်စေသူဟူ၍ မလိုသူတို့က စွပ်စွဲခဲ့ဖူးသည်။
ဆော့ခရတ္တိ၏ ကိုယ်ကျင့်တရားဆိုင်ရာ သြ၀ါဒများကို ယနေ့တိုင် ကမ္ဘာက ဆည်းပူးရဆဲဖြစ်သည်။

ပလေတို၊ အရစ္စတိုတယ် စသည့် ၎င်းင်း၏တပည့်စဉ်ဆက်တို့သည် ဥရောပနှင့်တကွ ကမ္ဘာကိုပါ
အသိပညာ ဖြန့်ဖြူးပေးဝေသည့်ပညာရေးသမားကြီးများ ဖြစ်ခဲ့သည်။

.....

ပီတာ ဂျေ ဒင်နီယယ် စတုတ္တတန်းမှာ ရှိစဉ်က သူ့ဆရာမ မစ္စဖိလစ်(ပ)(စ)က ...
( ပီတာ မင်းဟာ အလကား အသုံးမကျတဲ့ ပန်းသီးပုပ်ပဲ
ဘယ်တော့မှ ဘာမှ ဖြစ်လာမှာမဟုတ်ဘူး ) ဟူ၍ အမြဲပြောလေ့ရှိခဲ့သည်။
ပီတာသည် အသက် ၂၆နှစ်အထိ စာလုံးဝ မတတ်သလောက် ဖြစ်ခဲ့သည်။
သို့သော် သူ့အား သူငယ်ချင်းတစ်ယောက်က နပိုလီယန်ဟေးလ်၏ အကြံဥာဏ်ဖြင့်ကြီးပွားရေးစာအုပ်ကို
ညလုံးပေါက် ဖတ်ပြပြီးသည့်နောက်တွင် သူ့ဘ၀ ပြောင်းလဲသွားခဲ့သည်။

ယခုအခါ၌ သူသည် ယခင်သူအမြဲရန်ဖြစ်လေ့ရှိခဲ့သည့် လမ်းဆုံလမ်းခွများကို ပိုင်ဆိုင်လျှက်ရှိသည်။
စာလည်း ကောင်းစွာ တတ်မြောက်ခဲ့ရုံမျှမက စာအုပ်စာတမ်းများပင် ရေးသားထုတ်ဝေနိုင်ခဲ့သည်။
သူ၏ နောက်ဆုံးထုတ်စာအုပ်မှာ (ဆရာမပြောတာ မှားသွားပြီ)ဟူ၍ဖြစ်သည်။

.....

အီဗော်လူးရှင်း သီဝရီ၏ ဖခင်ကြီး ချားလ်(စ)ဒါဝင်သည် သူ့ဆရာများနှင့် သူ့ဖခင်ကိုယ်တိုင်က ဥာဏ်ရည်နိမ့်သူတစ်ဦးအဖြစ် သတ်မှတ်ခြင်း ခံခဲ့ရသည်။

.....

ဖန်တီးမှုအနုပညာလောကတွင် ထိပ်သီးတစ်ဦးဖြစ်လာသော ဝေါ့ဒစ္စနေးသည် စိတ်ကူးဥာဏ်ခေါင်းပါးသည် ဟူသော မှတ်ချက်ဖြင့်သတင်းစာအလုပ်မှထုတ်ပယ်ခြင်းခံရဖူးသည်။

ထို့ပြင် ကလေး လူကြီးတကာတို့ လာရောက် လည်ပတ်ကြသော့ ဒစ္စနေး အံ့ဖွယ်ကမ္ဘာလုပ်ငန်းကြီး အောင်မြင်စွာ မတည်ထောင်နိုင်မီ စီးပွားအကြိမ်ကြိမ် ပျက်ခဲ့ဖူးသည်။

.....

ဓါတ်စက်၊ လျှပ်စစ်မီးသီးအပါအ၀င် တီထွင်မှုပေါင်း ၁၃၀၀မျှ ပြုလုပ်ခဲ့သည့် သိပ္ပံပညာရှင်ကြီးအက်ဒီဆင်အား သူ့ဆရာများက အလွန်ထုံထိုင်းသူ၊ ဘာစာမျှသင်မရသူ ဟူ၍ မှတ်ချက်ချခဲ့ဖူးသည်။

.....

၂၀ရာစု၏ အကြီးကျယ်ဆုးံ သိပ္ပံပညာကျော် အယ်လဘတ်အိုင်စတိုင်းသည် အသက်၎နှစ်အရွယ်ထိ စကားမပြောတတ်ခဲ့။
အသက်၇နှစ်သားအထိ စာမဖတ်တတ်ခဲ့။
သူ့ဆရာကလည်း သူ့အား ဦးနှောက်လေးသူ၊ ပေါင်းသင်းဆက်ဆံရေးချိူ့တဲ့သူ၊
ရူးတူးကြောင်တောင်အတွေးများဖြင့် နစ်မျောနေတတ်သူ ဟူ၍ မှတ်ချက်ချခဲ့သည်။

.....

စစ်နှင့်ငြိမ်းချမ်းရေးဝတ္ထုကြီးဖြင့် ကမ္ဘာကလေးစားရသော ရုရှားစာရေးဆရာကြီး တော်စတွိုင်းသည်
ကောလိပ်ကျောင်းမှ တ၀က်တပျက်နှင့် ထွက်ခဲ့ရသူ ဖြစ်သည်။ သူ့အား စာသင်၍မရ၊
စာသင်ချင်စိတ်လည်း သူ့မှာမရှိဟု မှတ်ချက်ချခြင်း ခံရသည်။

.....

နှစ်ဆယ်ရာစု ပထမပိုင်းကာလ၏ အထင်ရှားဆုံး လူသားတစ်ဦးအဖြစ် သတ်မှတ်ခြင်းခံရသူ ဆာဝင်စတန် ချာချီ သည် ၆တန်းတွင် စာမေးပွဲကျခဲ့သည်။

ဘ၀သက်တမ်းတလျှောက်လုံးလည်း နိုင်ငံရေးနယ်ပယ်တွင် ရှုံးပွဲတွေအလီလီ ဆင်နွှဲခဲ့ရပြီး အသက်၆၂နှစ်အရွယ်တွင်မှ ဗြိတိသျှဝန်ကြီးချူပ်ရာထူးကို ရရှိခဲ့ခြင်းဖြစ်သည်။

.....

အလားတူ အလားတူ အဲသည်လို ပုဂ္ဂိုလ်မျိူးတွေ၊ ဖြစ်ရပ်မျိူးတွေ အများအပြားပင် ရှိပါသည်။

ထို့ကြောင့် အကယ်၍ သင့်မှာ လောလောဆယ် ဆုံးရှုံးမှု၊ အရေးနိမ့်မှုများ ကြုံတွေ့နေရသည် ဆိုငြားအံ့။ ထိုအတွက် စိတ်ပျက်လက်ပျက်လက်လျှော့လိုစိတ်များလည်းဖြစ်ပေါ်မည် ဆိုငြားအံ့။

သည်ပုဂ္ဂိုလ်တွေအကြောင်း တွေးကာ၊ ထို့နောက် သူတို့အကြောင်းတွေ အသေးစိတ် လိုက်လံလေ့လာကာ၊ စိတ်သစ် အားသစ်တွေ မွေးပြီး ကြိုးစားကြည့်စမ်းပါ ဟု အကြံပေးလိုက်ချင်ပါသည်။

ဆရာဖေမြင့်စာအုပ်မှထုတ်နှုတ်ဖော်ပြပါသည်။

အားလုံးကိုပျော်ရွှင်အောင်မြင်စေချင်ပါသည်။

Read more »

ဂျီတော့ခ်ထဲကအဘိဓ္ဓါန်များ

မြန်မာနိုင်ငံမှာကိုယ်ကဂျပန်စာLevel2ဖြေဖို့သင်ယူရင်းတဖက်၊ အင်တာနက်အီးမေးလ်သင်တန်းရဲ့
အချိန်ပိုင်းဆရာလုပ်ခဲ့စဉ် ထိုစဉ်က လူငယ်လူကြီးအတော်များများဟာ အင်တာနက်ဟာဘာကြီးတုံး
ဆိုရလောက်အောင်စတင်ခောတ်စားခါစအချိန်ပေါ့။ မှတ်မိပါသေးတယ်။
ဂျပန်မလာခင် ၂၀၀၄နှင့်၀၅ခုနှစ်ခန့်ကပေါ့။

အရင်ကကိုယ်လည်းထို့အတူပါပဲ။ အင်တာနက်ဆိုတာအီးမေးလ်သုံးရုံလို့ထင်ထားခဲ့ပေမဲ့
အားလုံးရဲ့အကိုကြီးလိုလည်းဖြစ် ဆရာလည်းဖြစ်တဲ့သူ(ဦးရဲထွန်းအောင်)ရဲ့ကျေးဇူးကြောင့်
မျက်စိနားတွေပွင့်လို့ အတော်များများ ဗဟုသုတကြွှယ်လာခဲ့ရတာပါ။
ဇာခြည်ရေ ငါ့ညီမ ဘလော့ဂ်ရေးပါလားလို့ပြောစဉ်က အယ် ဘာပါလိမ့်လို့ဆိုရအောင် ဘာမှန်းမသိခဲ့
တာပါ။ ဒီလိုနဲ့ဖုံးခတွေဈေးကြီးလို့ နိုင်ငံရပ်ခြားဆက်သွယ်ရေးဈေးပေါတဲ့အပြင်သုံးရလွယ်သော
ဂျီတော့ခ်ကိုစေတနာအပြည့်နဲ့သင်လိုက်ရတာ အသည်းအသန်ပေါ့။ အင်တာနက်ကလည်း ထွန်းကားစ
ဆိုတော့ ကွန်နက်ရှင်လည်းနှေးပါတယ်။ သင်နေရင်း ကွန်နက်ရှင်ကျသွားရင် ရှင်းလင်းချက်တွေ အမြန်
ပြော၊ ကောင်းလာတာနဲ့ လူစုံလိုက်လုပ်နိုင်အောင် အပြေးအလွှားလေ့ကျင့်ကြရပါတယ်။

အဲဒီမှာမတောက်တခေါက်ဘလော့ကလေးစရေးခါစ ဂျပန်ကိုထွက်လာတော့အချိန်မပေးနိုင်ပဲ
အဆက်သွယ်ပြတ်သွားခဲ့ရတာပါ။ တဖန်မြန်မာပြည်ပြန်တော့လည်းကွန်နက်ရှင်မကောင်းတာကို
စိတ်မရှည်တော့မရေးဖြစ်လိုက်တာ ဒီတခါဂျပန်ရောက်မှပဲစရေးနိုင်ပါတော့တယ်။

မြန်မာပြည်ရောက်စဉ်အင်တာနက်ဆိုင်သွားလျှင်အတော်များများကချက်တင်လုပ်နေကြတာကြည့်ပြီး
သူတို့ရဲ့အချိန်တွေနှင့်ဦးနှောက်တွေကိုအနှမြောကြီးနှမြောခဲ့ဖူးပါတယ်။ တကယ်ဆိုအင်တာနက်မှာ
အခမဲ့ ရှာဖွေလေ့လာနိုင် သင်ယူနိုင်တာတွေအများကြီးပါ။ ကမ္ဘာကြီးပြားသွားပြီလို့ ဆိုရလောက်အောင်
ကမ္ဘာပေါ်ကလူသားအားလုံးရဲ့ လေ့လာသင်ယူနိုင်စွမ်းနှင့်ဗဟုသုတရှာဖွေနိုင်မှုကို လူသားအားလုံး
တပြေးညီ ညှိပေးလိုက်တဲ့ နည်းပညာတခုရဲ့စွမ်းအင်ကိုကောင်းစွာအသုံးချနိုင်ဖို့လိုပါတယ်။

အင်တာနက်ခေတ်ကြီးထဲရောက်လာတာမို့ အသိပညာနှင့်ဗဟုသုတစီးဆင်းမှုတွေသိပ်ကိုလွယ်ကူ
လျှင်မြန်လာသလို ကောင်းတဲ့ဘက်ကိုလေ့လာပြီး ကောင်းတဲ့ဘက်မှာအသုံးချတတ်ဖို့ဆိုတာဟာ
လည်း လွန်စွာကိုအရေးကြီးပါတယ်။

အဲလိုနှင့်ပဲ ဒီစာလေးရဲ့ခေါင်းစဉ်လေးဖြင့်နိဂုံးချုပ်ချင်ပါတယ်။
သိသူတွေလဲသိပြီးသားလို့ယူဆပေငြားမသိသူတွေ အသစ်အသစ်တွေအတွက်မျှဝေခြင်းပါ။

ဂျီတော့ခ် သို့ ဂျီမေးလ်ထဲကဂျီတော့ခ်ကိုသုံးနေရင်းဖြင့် အဘိဓ္ဓါန်ကိုသုံးလို့ရပါတယ်။
သိပ်ပြီးစကားလုံးပြည့်စုံကြွယ်ဝတယ်လို့ကိုယ်မထင်ပေမဲ့ တခြားအဘိဓ္ဓါန်websiteတခုခုကို
ဖွင့်ကြည့်တာထက် ပိုမြန်ပြီး မေးလ်နှင့်ချက်တင်သုံးရင်း လက်တကမ်းမို့ အလွယ်တကူသုံးနိုင်
တာမို့ပါ။

ဂျီတော့ခ်မှာ Add (invite) လုပ်ပေးရပါမယ်။
(ဘယ်ဘာသာမှ)2(ဘယ်ဘာသာသို့)@bot.talk.google.com
ဆိုတာလေးကို ဂျီတော့ခ်မှမိမိနှစ်သက်ရာဘာသာတွေကိုရွေးချယ်ပြီး ယင်းအီးမေးလ်လိပ်စာကို
Invite or Add လုပ်ပေးရမှာဖြစ်ကြောင်းပါ။

ဂျီတော့ခ်Websiteမှာတော့အောက်ပါအတိုင်းဖော်ပြထားပါတယ်။

Translation bots

Send a message in one language and have it instantly translated into another. Just add a translation bot to your contacts using the following format: [from language]2[to language]@bot.talk.google.com. There are 24 bots available:

(ar = Arabic, de = German, el = Greek, en = English, es = Spanish, fr = French, it = Italian, ja = Japanese, ko = Korean, nl = Dutch, ru = Russian, zh = Chinese)

• ar2en
• de2en
• de2fr
• el2en
• en2ar
• en2de

• en2el
• en2es
• en2fr
• en2it
• en2ja
• en2ko

• en2nl
• en2ru
• en2zh
• es2en
• fr2de
• fr2en

• it2en
• ja2en
• ko2en
• nl2en
• ru2en
• zh2en

ဥပမာ ဂျပန်-အင်္ဂလိပ်အဘိဓ္ဓါန်ဆိုလျှင်
ja2en@bot.talk.google.com ဆိုပြီးInvite or Add လုပ်ပေးရမှာပါ။

အားလုံးပဲတိုးတက်အောင်မြင်ကြပြီး အများကောင်းကျိုးဝိုင်းဝန်းသယ်ပိုးနိုင်ကြပါစေ

Read more »

လာမန် (ခေါက်ဆွဲပြုတ်)

ကိုယ်အရင်ကစားဖူးတဲ့ဂျပန်အစားစာအတော်များများမှာဆီပါဝင်မှုနည်းတာမို့ဂျပန်အစားစာတွေမှာ
ဆီများတတ်မယ်လို့ မထင်ခဲ့ပါဘူး။
ဒါပေမဲ့အချို့ဂျပန်အစားစာတွေမှာဆီပါဝင်မှုအတော်များတာတွေ့ရတော့လန့်သွားပါတယ်။
အများအားဖြင့်ခေါက်ဆွဲပြုတ်ထဲထည့်တဲ့အစပ်ကိုက ဆီအစပ်ရည်မို့ အိုး စိတ်ညစ်ဖွယ်။

အရသာထည့်ထားတဲ့ကြက်ဥပြုတ်ကိုတော့အကြိုက်ဆုံးပါ။
ကြက်ဥလုပ်နည်းက၃မိနစ်ပြုတ်ပြီး ငံပြာရည်အချိုကျဲနဲ့ရောထားတဲ့ရေနွေးထဲမှာ
ရှီးတခဲလို့ခေါ်တဲ့မှို၊ ကြက်သွန်ဖြူ၊ ပုဇွန်ခြောက်၊ နယ်ဂိလို့ခေါ်တဲ့ကြက်သွန်မြိတ်ကြီးတွေရောထည့်ပြီး
၁ရက်ခန့်စိမ်ထားရင် ကြာရင်ကြာသလို အတော်စားကောင်းပါတယ်။
ဆီတွေများတာကိုတော့သက်သေပြလိုက်ပါတယ်။

Read more »

ကမာကူရဘုရားကြီးထဲမှာ

ဂျပန်ရောက်မြန်မာတွေကြားမှာကမာကူရဘုရားကြီးဟာအတော်လေးကိုကျော်ကြားပါတယ်။
ကိုယ်လည်းကြည်ညိုမိတာအမှန်ပါ။ အမှတ်ရစရာတွေနှင့်ပေါ့။

အမှတ်မထင်တောင်းလိုက်မိတဲ့ဆုကလေးတစ်ခုဟာကွေ့ကာပတ်ကာနှင့်ဆုတောင်းပြည့်ခဲ့တာမို့
သတိရလို့တွေးလိုက်မိတော့ သြော် ငါ အဲလိုဆုတောင်းခဲ့ဖူးတာပဲလို့ သတိပြုမိလိုက်တော့
တကယ်အံ့သြခဲ့ဖူးပါတယ်။ အခုတော့ အဲလိုဖြစ်နေပါပေါ့လားလို့။

ကမာကူရဘုရားအရင်တခါက၂ကြိမ်ရောက်ဖူးပေမဲ့ဘုရားရုပ်ပွားတော်ထဲဝင်ကြည့်လို့ရတာမသိခဲ့
ပါဘူး။ ဒီတခါဂျပန်ရောက်တော့ ဦးဆုံးကမာကူရကို နှစ်ယောက်သားသွားဖူးတော့ အထဲဝင်လို့ရတာမို့
တဦးယမ်းတစ်ဆယ်နှင့်ဝင်ကြည့်ခဲ့ပါတယ်။

အမြဲတမ်းဝင်ကြည့်ခွင့်ပေးမပေးတော့မသိပါဘူး။

ပြီးတော့ဘူတာမှာမြေပုံတွေကိုအခမဲ့သွားယူနိုင်ပြီး ကမာကူရဘုရားအနီးမှာ အခြားများပြားစွာသော
လည်စရာနှင့် ဘုရားကျောင်း၊ နတ်ကျောင်းတွေလဲအများကြီး ရှိတာမို့ ဟိုဟိုသည်သည်ပတ်ကြည့်စရာ
တွေလည်းများပါကြောင်း။

Read more »

ပါးလာတဲ့စာလွှာ

၁၅ရက်နေ့ခန့်ရောက်မည်။ ၂၀ရက်နေ့ထိမရောက်လာလျှင်ဖုံးဆက်ပါတဲ့။

ကြာသပတေး
တိတ်တိတ်လေးစောင့်တယ်။ မလာဘူး။
သူ့ဆီကဖုံးလာတယ်။ ဘယ်လိုလဲ မလာသေးဘူးလားတဲ့။

သောကြာ
ဟော ဆိုင်ကယ်သံကြားတယ်။ စာပုံးထဲစာတွေထည့်သံကြားတယ်။
ရင်တွေခုန်တယ်။ တထိတ်ထိတ်။ သွားကြည့်တယ်။
ဟော အများကြီးပဲ။ သေချာပြီ။
ဒါပေမဲ့ မပါလာဘူး မျှော်သောစာ။
သူ့ဆီကဖုံးလာပြန်တယ်။ စာလာပြီလားတဲ့။
တိုးတိမ်တဲ့အသံ ဟင့်အင်း။

စနေ
နေသိပ်မကောင်းချင်တော့ဘူး။ ရက်တွေလည်းကျော်လှပြီ။
သူကပြောတယ်။ ဒီနေ့အိပ်ရေးဝအောင်အိပ်တဲ့။ ၁၀နာရီခွဲသွားတယ်။
ခဏကြာတော့ ဟော ဆိုင်ကယ်သံ ကြားတယ်။
သူက ပြုံးတုံးတုံးနဲ့ ဟော လာပြီ တဲ့။
အယ် မျက်လုံးပြူးပြူးနဲ့ ခဏငြိမ်သွားတယ်။ စိတ်လှုပ်ရှားစွာ။
စာထည့်ပြီးဆိုင်ကယ်ထွက်တာကို သူကတံခါးဝမှာအဆင်သင့်တိတ်တိတ်လေးစောင့်နေတယ်။

သူတံခါးဖွင့်လိုက်ပြီ။ ဘာစာပါလိမ့်။
အယ် တ၀ုန်းဝုန်းပြေးသွားတဲ့သူ့ခြေသံကြားတယ်။
အား ...သေချာပြီ အရေးကြီးတဲ့စာဆို လူမရှိရင်မထားခဲ့ဘူး။
ထပ်လာပို့ရမယ့်အချိန်ကိုအကြောင်းကြားဖို့စာပဲချန်ခဲ့တတ်တယ်။
သူ ဆိုင်ကယ်နောက်လိုက်တာနေမှာ။

မျှော်နေတယ် သူ့ခြေသံ
ကြာလိုက်တာ
အင်း မမီတော့ဘူးထင်တယ်
ရှာမတွေ့တော့ဘူးထင်တယ်
သိချင်ပါတယ်ဆိုမှ

ဝုန်းခနဲ့တံခါးဖွင့်သံကြားတယ်
သူပြန်လာပြီ
လိုက်တာမမီဘူး စာတိုက်ကိုဖုံးဆက်ရမယ်တဲ့
ကိုယ်က ၀ုန်းခနဲကဆွဲကြည့်တယ် ကိုယ့်နာမည်
ဒါဆိုသေချာပြီ ချက်ချင်းဖုံးလှမ်းဆွဲတယ်
နေ့လည်လာပို့ခိုင်းမယ်လို့
သူကပြောတယ် နေ့လည်မမီဘူးတဲ့ နက်ဖြန်မှတဲ့
ကိုယ်ကပြောတယ် မီတယ် မမီရင် ညနေလာခိုင်းမယ်လို့
နှစ်ယောက်သားငြင်းနေပြီး ကိုယ်ကနံပါတ်ကောက်နှိပ်တော့
သူက ရော့ စိတ်မကောင်းမဖြစ်နဲ့နော်တဲ့
သူတိတ်တိတ်လေးဖွင့်ဖောက်ထားတာစာအိတ်က ထိပ်က ရုပ်ဆိုးစွားနဲ့စုတ်ပြဲနေတယ်
(အေဖိုးဆိုဒ်ပါ)
ဒါပေမဲ့ ကိုယ်သက်ပြင်းကျသွားတယ်။
သူ့မျက်ဝန်းတွေကိုယ်သိတယ်။ အပျော်ကိုမြင်ရတယ်။

စာထုတ်ကြည့်တယ်။
ငိုချင်လာတယ်။ ကိုယ်သိတဲ့အောင်တယ်။အရွေးခံရတယ်ဆိုတဲ့ဂျပန်စာတွေမပါလာဘူး။
အောင်လားဟင် သူ့ကိုမေးတော့ သူက စိတ်မကောင်းမဖြစ်ပါနဲ့ဆိုတဲ့။
မုန်းဖို့ကောင်းလိုက်တာ။ သူက အစသန်လွန်းလို့ ကိုယ်အမြဲစိတ်ညစ်ရတယ်။
ဆက်ကြည့်တယ်။ သင်တန်းတက်ရမယ့်အချိန်တွေ တခြားရှင်းလင်းချက်တွေ
ဟင် မအောင်ရင်တော့မပို့လောက်ပါဘူး
ငိုတော့မဲ့ရုပ်နဲ့သူ့ကိုကြည့်တော့ သနားသွားပုံပေါ်တယ်။
ဒီမှာလေ ခဲ့သဲး တဲ့ အဲဒါအောင်တာပေါ့ ဂုဏ်ယူပါတယ်လို့သူကပြောတယ်။
သတ်မှတ်လိုက်ပြီ လို့ ကိုယ်ကဘာသာပြန်တာကိုး ဘာသတ်မှတ်မှန်းရှာမတွေ့တာ။

အိုး အကျယ်ကြီးထအော်လိုက်တယ်
ပျော်တယ်။
အိမ်ကိုဖုံးဆက်တော့ဖေနဲ့တွေ့တယ်
ဖေကပြောတယ် ငါပြောသားပဲ အောင်မှာပါလို့ :D
ရယ်ချင်သွားတယ်။ အဖေက သူဖြေတာလဲဟုတ်ပဲနဲ့လို့။
ကိုယ်ကတအားစိတ်ပူနေခဲ့တာ။

ခရီးကအစပဲရှိသေးတယ်။
ဆက်ကြိုးစားရဦးမယ် အများကြီး
ဒီလိုပါပဲ ဘာမှမလုပ်မနေတာထက်စာရင်တော့
တခုခုလုပ်နေပြီးကျရှုံးတာ ရတဲ့အရှုံးကသင်ခန်းစာမို့ အရှုံးကအမြတ်ပဲလေ။
ဒါ ဦးလေးသင်ပေးဖူးတဲ့စကား။
ဒီလိုနဲ့အမှတ်တရဒီနေ့လေးကိုရေးမိတယ်။ နောင်တချိန်ပြန်ဖတ်ရအောင်ပေါ့။

Read more »

ဂျပန်ထိပ်သီးခေါင်းဆောင်များ

တရုတ်သိုင်းကားထဲကလိုပြောရရင် ဂိုဏ်းချုပ်လို့ဆိုမလား
ဂျပန်ပြည်မှာဂိုဏ်းချူပ်တွေပေါပါတယ်။ မြန်မာပြည်မှလာပါသည်။
အဟားဟား သင်လန့်သွားပါသလား။

ဂျပန်ဆိုတာတော်ရုံမြန်မာအလွယ်တကူမလာနိုင်တဲ့နေရာ၊ဗီဇာခက်တဲ့နေရာရယ်လို့
နာမည်ကျော်ပေသည်ကိုး။ မြန်မာအများစုကလဲ ဂျပန်သွားသည်ဟုဆိုလျှင် မိုးကျရွှေကိုယ်လို
ယူဆတတ်ပေသည်ကိုး။ အများစုက ဂျပန်သွားချင်ကြပေသည်။

ဒါကြောင့်ထိပ်သီးမြန်မာများ (အီ)ဂျပန်တွေစုဝေးကြပေသည်။
မျက်နှာထားတွေချီသည်များ၏။ သွေးနားထင်ရောက်သည်များ၏။
ဗီဇာအနေထား ဘာဗီဇာဖြင့်နေသလဲဆိုတာပေါ်မူတည်ကာ မာန်မာနတွေထောင်လွှားကြ၏။
ဂုဏ်ဒြပ်ဆိုသည်ကားကြိုးစားမှုပေါ်မူတည်ကာဖြစ်ထွန်းလာသည့်အရာမို့လူအများအလေးပြု
တတ်သည်မှာအစဉ်လာဖြစ်ပေငြား ဂုဏ်နှင့်မောက်မာခြင်းကိုမခွဲခြားတတ်လေသလား

(အီ)သည်ကိုကြည့်ကာတရားရမိပါ၏။
မပြည့်သောအိုးတွေဘောင်ဘင်ခတ်လေသလော။
ယင်းအထဲတွင်အတော်ပြည့်ဝသော၊ လူတန်းစားမခွဲခြားတတ်သော၊ မျှတကြင်နာတတ်သော
မြန်မာအချို့ (အချို့)ကိုလဲတွေ့သဖြင့် အလွန်လေးစားကြည်ညိုမိပါသည်။

အထူးသဖြင့်ကိုယ်တွေ့လည်းအလွန်များသည်မို့ရယ်ရပါသည်။
လူကသေးသေးလေးမို့အသက်သိရင်တောင်ဘာဖြစ်လဲသူငယ်ချင်းပေါ့အပြောခံရတာများလို့
အသဲယားပါသည်။ အမအခေါ်ခံချင်လို့မဟုတ်ပါ။ ဂါရ၀တရားမရှိသူနှင့်ကြုံသည်ကို ဆုံရပါသဖြင့်။
ပြီးမှဗီဇာအခြေနေမေးကာ လေးစားပေးသဖြင့် စိတ်ကုန်ရပါသည်။
ကိုယ်များတော့ရိုင်းမှာစိုးလို့အားလုံးကို မနေသဖြင့် အလေးမသမားဖြစ်ပါတော့မည်။
ဂါရ၀တရားဆိုတာပဲမေ့လျော့ကုန်ကြသလား။
ကိုယ့်အတွက်တော့ လမ်းဘေးမှာငွေတောင်းနေတဲ့အဘွားကြီးတွေ့လည်း အဘွားဟုခေါ်သူမို့
မြန်မာမှန်ရင် ကြီးသူကိုလေးစား ငယ်သူကိုညှာတာဆိုတဲ့စိတ်ကလေးတော့မမေ့စေချင်ပါ။

အမြဲစိတ်ထဲရှိခဲ့သောအကြောင်းရာများအားပေါင်းစုကာ ယနေ့ဘာရယ်မဟုတ်ရေးဖြစ်ပါသည်။
လွန်တာရှိရင်ဝန္တာမိပါ။

Read more »

ဂျပန်မှာအမြဲတမ်းနေထိုင်ခွင့် အဲဂျူး 永住 eijuu

အပိုင်း(၁)

永住 - EiJuu - အမြဲနေထိုင်ခြင်း
永住許可 - EiJuuKyoKa - အမြဲနေထိုင်ခွင့်ပြုခြင်း
永住者 - EiJuuSha - အမြဲနေထိုင်သူ

ဂျပန်မှာအမြဲတမ်းနေထိုင်ခွင့် အဲဂျူး 永住　eijuuဆိုတာ
ကာလအကန့်သတ်မရှိ အမြဲတမ်းနေထိုင်ခွင့်ကိုဆိုလိုပါတယ်။
ယင်းတွင်

(က)အမြဲတမ်းနေထိုင်ခွင့်

ပထမအချက်အနေဖြင့်ကတော့ ဥပဒေအရလိုအပ်ချက်
(၁)အကျင့်စာရိတ္တကောင်းမွန်ခြင်း
ဥပဒေနှင့်အညီကျင့်ကြံနေထိုင်ပြီးလူ့ဘောင်ဝန်းကျင်ကိုလည်းအနှောင့်ယှက်မပြုဖူးပဲ
ကောင်းမွန်စွာနေထိုင်နေခြင်း။
(၂)တကိုယ်ရေရပ်တည်နေထိုင်ရေးအတွက် လုံလောက်သောအရင်းအနှီးနှင့်စွမ်းရည်ရှိခြင်း
နေ့စဉ်လူနေမှုဘ၀မှာအများပြည်သူသို့ဝန်မဖြစ်စေပဲ၊ ယင်းအရင်းနှီးနှင့်စွမ်းရည်အား
တည်မှီပြီး အနာဂတ်တွင် စိတ်ချရသောနေထိုင်နိုင်စွမ်းရည်ရှိသည်ကို ကြိုတင်မှန်းဆနိုင်ခြင်း။
(၃)ထိုသူ၏အမြဲတမ်းနေထိုင်ခြင်းသည်ဂျပန်နိုင်ငံ၏အကျိုးကိုရှိစေသည် ကိုက်ညီသည်ဟု
သတ်မှတ်ခြင်းခံရခြင်း။
(က)အခြေခံသတ်မှတ်ချက်အဖြစ်၁၀နှစ်အထက်ဂျပန်တွင်တောက်လျှောက်နေထိုင်ခြင်း။
ယင်းကာလအတွင်းအလုပ်အကိုင်သို့နေထိုင်ခွင့်ဖြင့်၅နှစ်ကျော်တောက်လျှောက်နေထိုင်ခြင်းကို
လိုအပ်သည်။
(ခ)ဒဏ်ငွေနှင့်ပြစ်ဒဏ်ကျခံဖူးသူမဖြစ်ခြင်း။ အခွန်ငွေများကိုပျက်ကွက်ခြင်းမရှိပေးခြေနေခြင်း။
(ဂ)လက်ရှိကိုင်ဆောင်ထားသောနေထိုင်ခွင့်နှင့်ပတ်သတ်ပြီးလူဝင်မှုကြီးကြပ်ရေးနှင့်ခိုလှုံခွင့်
အသိမှတ်ပြုရေး၏သီးခြားဖော်ပြချက်အပိုဒ်၂တွင်သတ်မှတ်ထားသည့်
အရှည်ကြာဆုံးနေထိုင်ခွင့်ကာလဟူသော ခွင့်ပြုချက်ဖြင့်နေထိုင်နေခြင်း။
(ဃ)အများပြည်သူအားထိခိုက်ဖျက်ဆီးစေခြင်းစသည့်အန္တရာယ်မရှိခြင်း

(＊)အထူးခြွင်းချက်အနေဖြင့်
ဂျပန်လူမျိုး၊အမြဲနေထိုင်ခွင့်ရှိသူ သို့ အထူးအမြဲနေထိုင်ခွင့်ရှိသူ စသူတို့၏ အိမ်ထောင်ဘက်
သို့ ခလေးဖြစ်သောအခါ အထက်ဖော်ပြပါ အချက် (၁)နှင့် (၂)မလိုအပ်ပါဘူး။ တဖန်
ခိုလှုံခွင့်ရထားသူဆိုလျှင်တော့ အမှတ် (၂)ကိုက်ညီဖို့ရာမလိုအပ်ကြောင်းပါ။

ဒုတိယအချက်အနေဖြင့်ကတော့ဆယ်နှစ်နေထိုင်မှုနှင့်စပ်လျှဉ်းသည့်အထူးသာဓက
(၁)ဂျပန်လူမျိုး၊အမြဲနေထိုင်ခွင့်ရှိသူ သို့ အထူးအမြဲနေထိုင်ခွင့်ရှိသူ စသူတို့၏ အိမ်ထောင်ဘက်
ဖြစ်သောအခါ အမှန်တကယ်ပေါင်းသင်းနေထိုင်ခြင်းဟာ၃နှစ်ကျော်ပြီး ၁နှစ်ကျော်ဂျပန်တွင်
တောက်လျှောက်နေထိုင်နေခြင်း။ ယင်း၏သွေးသားဖြစ်ပါက ၁နှစ်ကျော်ဂျပန်တွင်တောက်လျှောက်
နေထိုင်နေခြင်း။
(၂)အခြေချနေထိုင်ခွင့်ဖြင့်၅နှစ်ကျော်တောက်လျှောက်ဂျပန်တွင်နေထိုင်နေခြင်း။
(၃)ခိုလှုံခွင့်ရသူများ(ဒုက္ခသည်)အနေဖြင့်သတ်မှတ်ခံရပြီးနောက် ၅နှစ်ကျော်တောက်လျှောက်
ဂျပန်တွင်နေထိုင်နေခြင်း။
(၄)နိုင်ငံရပ်ခြားအဖွဲ့စည်းဆိုင်ရာ၊လူ့ဘောင်၊စီးပွားရေး၊ယဉ်ကျေးမှုဆိုင်ရာများနှင့်စပ်လျှဉ်းပြီး
မိမိတို့နိုင်ငံအားအကျိုးပြူသည်ဟု အသိမှတ်ပြုခံရသူဖြစ်ပြီး ၅နှစ်ကျော်ဂျပန်တွင်နေထိုင်နေခြင်း။
မူရင်းစာမျက်နှာ


(ခ)အထူးအမြဲတမ်းနေထိုင်ခွင့်
ယင်းကတော့ ဒုတိယကမ္ဘာစစ်အတွင်း၊ ၁၉၄၅၊ ၉လပိုင်း၊ ၂ရက်နေ့မတိုင်မီမှစပြီး
ဂျပန်မှာတောက်လျှောက်နေထိုင်(ကျန်ရစ်)ပြီး
ဂျပန်နိုင်ငံသားမဟုတ်သော ကိုရီးယား၊ထိုင်ဝမ်အစရှိသောနိုင်ငံခြားသားများနှင့်ယင်းတို့၏
ဂျပန်နိုင်ငံတွင်းမွေးဖွးသည့်သားစဉ်မြေးဆက်အား ပေးအပ်သောနေထိုင်ခွင့်ဖြစ်ပါတယ်။
wikiမှာ ဒီလိုဖော်ပြထားပါတယ်။

Read more »

အိမ်သာဆေးခြင်း

ငယ်ငယ်က အဖေက အလှည့်ကျအိမ်သာဆေးခိုင်းလို့ မဆေးမဖြစ်ဆေးရပါတယ်။
နှာခေါင်းကြီးပိတ်ပြီး။
နည်းနည်းကြီးလာတော့ အ်ိမ်သာဆေးခြင်းဟာကောင်းတဲ့အလုပ်ဖြစ်တယ်လို့
မိမိရဲ့အညစ်ကြေးတွေလည်းစင်ကြယ်သွားပါစေ ဆိုတဲ့စိတ်နဲ့ မှန်မှန်ဆေးပါတယ်။
အဲဒီအကျင့်ကစွဲသွားတာ (မြန်မာပြည်)စားသောက်ဆိုင်သွားလို့ ညစ်ပတ်နေရင်တောင်
တ၀ုန်းဝုန်းနဲ့ရေပတ်ဆေးလိုက်ရမှ ကျေနပ်ပါတယ်။

မျက်နှာမှာဝက်ခြံဘယ်နှစ်ဖုပေါက်ဖူးလဲဆိုတာ ဘ၀တသက်မှာရေတွက်လို့ရအောင်ကို
နည်းပါးပါတယ်။ ဒါဟာ စေတနာနဲ့အိမ်သာဆေးတာလုပ်လို့ပြောရင် သူကရယ်ပါတယ်။
ဒါဟာ မျိုးရိုးဗီဇပါတဲ့။

ကြားဖူးတဲ့ပုံပြင်ထဲမှာဥမ္မာဒန္ဒီကတော့အရင်ဘ၀က စေတနာအလွဲနဲ့ရုပ်ဆိုးရသတဲ့။
မင်းကုသဆိုလဲ အလားတူ ကျောက်ပေါက်မာတွေ များရသတဲ့။

ကိုယ်ယုံကြည်တာကတော့ လူတွေဟာစိတ်စေတနာပေါ်မူတည်ပြီး လူတယောက်တည်းရဲ့
ရုပ်ကတောင်အမျိုးမျိုးပြောင်းလဲလာတတ်ပါတယ်။ ရုပ်ဆိုးတာ ချောတာမဟုတ်ပဲ
မျက်နှာရဲ့အကြည်ဓါတ်နှင့် မျက်နှာထား၊ နှစ်လိုဖွယ်ကောင်းမကောင်းကိုဆိုလိုတာပါ။

ဒါကြောင့်စိတ်ထဲဘာမှသိပ်ထည့်မထားတာကောင်းပါတယ်။
လောကီသားမို့ စိတ်ဆိုးချိန်လဲဆိုးပစ်လိုက် ပြီးရင် အားလုံးမေ့ပစ်လိုက်တာကောင်းပါတယ်။
ဒါဟာ သူများအတွက်မဟုတ်ပါဘူး။ မိမိအတွက်ပါ။
ကိုယ်ကတော့မေ့ပစ်ပါတယ်။ ဒါပေမဲ့ တခါခံရရင်တသက်မှတ်သူမို့ ၂ကြိမ်မပတ်သတ်ပဲ
ဥပေက္ခာပြုပစ်လိုက်တာမျိုးပါ။ ဘ၀ထဲမှာမရှိသူ တယောက်လိုကိုသတ်မှတ်ပစ်တာပါ။

ဒီလိုနဲ့ဒီသံသရာထဲမှာဘယ်လောက်ထိမျောပါလည်ပတ်နေဦးမှာပါလိမ့်။

Read more »

Harajukuမှာ.....

ဟာရဂျုကု Harajukuကိုသွားပါတယ်(Jinjaနတ်ကျောင်း)ကိုသွားပါတယ်။
လမ်းမှာပွဲတော်လုပ်နေတာတွေ့တော့ဝင်နွှဲပြီး











ဆက်သွားတော့ကားပြိုင်ပွဲနဲ့သွားတိုးရော၊နောက်ဆုံးကားတာအထွက်မှာကမန်းကတန်းရိုက်



ပြီးတော့ဂျင်းဂျာကိုအသွားလမ်းကတောတောင်ကြီးထဲဖြတ်သွားရသလို
လမ်းတလျှောက်ကျောက်ခဲလေးတွေညီနေအောင်ခင်းထားတာတွေ့တော့
အိုးအနုစိတ်နိုင်လွန်း၊ စိတ်ရှည်လိုက်ကြတာ အဲလိုနဲ့ဓါတ်ပုံရိုက်











ပြီးတော့အရက်အိုးစင်ကြီးတွေ့တော့လန့်သွားတယ်
ကြီးလိုက်တဲ့အိုးတွေ အများကြီး နတ်ဆက်ဖို့အတွက်တဲ့

နတ်ကျောင်းအ၀ရောက်တော့ထုံးစံအတိုင်း(ကမာကူရနဲ့အတော်များများမှာရှိပါတယ်)
လက်ဆေးတဲ့နေရာ နှင့်သူတို့ရဲ့ရိုးရာလေးကိုအမှတ်တရ ဓါတ်ပုံရိုက်ပါတယ်
မကန်တော့ခင် သန့်ရှင်းစင်ကြယ်အောင်ဆိုပဲ
ညာလက်နဲ့စခပ် ဘယ်လက်ကိုအရင်ဆေး ပြီးရင်ဘယ်ဘက်ပြောင်း ညာလက်ကိုဆေး
ပြီးတော့တစိမ့်စိမ့်ကျနေတဲ့ဝါးခေါင်းလေးထဲကရေကိုခံပြီးပလုပ်ကျင်းရပါတယ်

ဒါကတော့ နတ်ကျောင်းမှာ အဓိဌာန်နဲ့မိမိဆန္ဒတွေရေးသားပြီး တချို့ကလဲဆုတောင်းပြည့် သို့
အောင်မြင်သွားလို့ လာပြီး ချိတ်ထားတဲ့ စာချပ်လေးတွေပါ

ပြီးတော့မင်္ဂလာဆောင်နဲ့တိုးတော့ရိုက်လိုက်ပါသေးတယ်
ပြီးတော့မောမောနဲ့အဲဒီညလည်းခပ်လွယ်လွယ်နဘဲပေါ့
:)

Read more »

ဂျပန်၏ဗီဇာအမျိုးအစားများ

ဂျပန်၏ဗီဇာအမျိုးအစားများ အများစုဟာ အများသိပြီးသားလို့ယူဆတာမို့အကျဉ်းချုပ်ဆိုရလျှင်

အပိုင်း (၁) - ၁၅ရက်ခန့်မှ၁လ၊၃လ၊၆လမှ၃နှစ်ခန့်ထိ

- သံရေးတမန်ရေး၊ အဖွဲ့စည်းဆိုင်ရာ
- မင်းမှုထမ်း
- ပါမောက္ခ(တက္ကသိုလ်)
- အနုပညာဆိုင်ရာ (တေးရေးဆရာ၊ ပန်းချီဆရာ၊ စာရေးဆရာစသည့် )
- ဘာသာရေးဆိုင်ရာ
- သတင်းထုတ်လွှင့်ရေးဆိုင်ရာ(ဆောင်းပါးရေးဆရာ၊ကင်မရာသမားစသည့်)
- လုပ်ငန်းရှင် (စီးပွားရေးလုပ်ငန်းလုပ်ကိုင်သူ)
- ဥပဒေနှင့် စာရင်းအင်းပညာရှင် (ရှေ့နေ၊ စာရင်းကိုင် စသည့်)
- ဆေးပညာရှင် (ဆရာဝန်၊ သွားဆရာဝန်၊ သူနာပြုစသည့်)
- သုတေသနဆိုင်ရာ
- ပညာရေးဆိုင်ရာ
- နည်းပညာဆိုင်ရာ
- ဘာသာပြန်၊ ဒီဇိုင်နာ၊ ပုဂလိကကျောင်းရဲ့ဘာသာစကားသင်ကြားရေးဆရာ စသည့်
- ဂျပန်ရုံးခွဲတွင်ရုံးပြောင်းရန်စေလွှတ်တာဝန်ပေးခြင်းခံရသူ
- ဖျော်ဖြေရေးဆိုင်ရာ (ပြဇာတ်၊ဖျော်ဖြေပွဲ၊အားကစားနှင့်သရုပ်ဆောင်၊အဆိုတော်၊အကသမား
. ၊ အားကစားလက်ရွေးစင်စသည့်)
- အတတ်ပညာရှင်(နိုင်ငံခြားဟင်းလျာစားဖိုမှူး၊အားကစားနည်းပြ၊လေယာဉ်မှူး၊ပန်းထိမ်ပညာရှင်စသည့်)
- ယဉ်ကျေးမှုဆိုင်ရာ(သုတေသနပညာရှင်စသည့်)
- အချိန်တိုလာရောက်ခြင်း (အလည်ပတ်၊ အစည်းဝေးတက်ခြင်းစသည့်)
- ပညာသင်လာရောက်ခြင်း (တက္ကသိုလ်၊ကောလိပ်စသည့်)
- ကျောင်းတက်ခြင်း (အထက်တန်းကျောင်း၊အတတ်မွေးဝမ်းကြောင်းပညာသင်ကျောင်းစသည့်)
- သုတေသန (သုတေသနသမား)
- မိသားစုမှီခို (ပညာသင်ကျောင်းသား၏မှီခိုဇနီး၊ခလေးစသည့်)
- အထူးသတ်မှတ်ထားသောလုပ်ရှားမှုဆိုင်ရာ(တရားရေးဝန်ကြီးကသီးသန့်သတ်မှတ်
. ညွှန်ကြားထားသော နိုင်ငံခြားသားဆိုင်ရာ၊ သံတမန်၊ အလုပ်ပိတ်ရက်လာရောက်ခြင်းနှင့်အတတ်ပညာ
. ရှင် လက်တွေ့လေ့ကျင့်ဖလှယ်ခြင်းသည့် )

အပိုင်း (၂) - ၁နှစ်၊၃နှစ်နှင့် ကာလရှည်

- အမြဲတမ်းနေထိုင်ခွင့် (တရားရေးဝန်ကြီးမှအမြဲတမ်းနေထိုင်ခွင့်အသိမှတ်ပြုခံရသူ)
. (အကန့်သတ်သတ်မှတ်ကာလမရှိ၊ တနည်းကာလရှည်)
- ဂျပန်လူမျိုး၏အိမ်ထောင်ဘက် (ယင်းအပြင်အထူးမွေးစားကလေး၊ ဂျပန်လူမျိုး၏ခလေးအဖြစ်မွေးဖွားသူ)
- အမြဲတမ်းနေထိုင်ခွင့်ရှိသူ၏အိမ်ထောင်ဘက် (ယင်းအပြင်ဂျပန်တွင်မွေးဖွားပြီးဆက်လက်နေထိုင်နေသည့်
. ခလေးစသည့်)
- အခြေချနေထိုင်ခွင့် (တရားရေးဝန်ကြီးမှအထူးအကြောင်းပြချက်တခုခုကိုကိုးကားကာသတ်မှတ်ထားသော
. ကာလတွင် နေထိုင်ခွင့်ကို အသိမှတ်ပြုခြင်းခံရသူ) (နိုင်ငံရေးသမားစသည့်)
. (၃နှစ်ထက်မကျော်သောအတိုင်းတာတွင်း)

ယင်းတို့အပြင် အထူးအမြဲတမ်းနေထိုင်ခွင့်နှင့်ဂျပန်နိုင်ငံသားခံယူခွင့်တွေလည်းရှိပါသေးတယ်။

Read more »

အဖြေမှန်

စာမေးပွဲဖြေတဲ့အခါအဖြေမှန်ဟာ၁ခုတည်းရှိပါတယ်။
ဒါဟာတင်းကြပ်လွန်းပါတယ်။ ဖြစ်နိုင်ချေလည်းနည်းတာမို့
တချက်လေးမှားသွားတာနဲ့ရမှတ်သုညဖြစ်သွားတာပါ။
ကျရှုံးတယ်ဆိုတဲ့ရလာဒ်ထွက်ပါတယ်။

တကယ်တမ်းလူ့ဘ၀မှာတော့တခုတည်းရွေးမှမှန်တာမျိုးမဟုတ်ပါဘူး
ပညာတတ်မှ၊ ချမ်းသာမှ၊ ဘာဖြစ်မှ ညာဖြစ်မှ ဆိုတာတွေ အများကစံညွှန်းသတ်မှတ်ထားသလို
ဖြစ်လာမှ အောင်မြင်တယ်လို့ ဆိုရမှာ မဟုတ်ပါဘူး။
မိမိကိုယ်မိမိအဓိပါယ်ရှိတယ်လို့ ယုံကြည်ရလောက်တဲ့ရှင်သန်မှုမျိုးနှင့်ရှင်သန်သွားနိုင်ရင်
အဖြေမှန်တယ်လို့ ဆိုရမှာပါပဲ။

အဲဒီလိုနေထိုင်သွားနိုင်ဖို့ဆိုတာမိမိရဲ့အတွေးခေါ်ယူဆချက်၊ ၀ါသနာ၊ တန်ဖိုးထားမှု၊ ဆန္ဒပြင်းထန်မှု
ကြိုးစားမှုတွေပေါ်ပဲမူတည်ပါတယ်။

Read more »

ဂျပန်မုန်တိုင်း 2009 Oct

ဂျပန်သို့မုန်တိုင်းနံပါတ်၁၈ ၀င်ရောက်လာတာမနေ့က ၇ရက် ၁၀လ ၂၀၀၉ ကစတင်ဝင်ရောက်လာခြင်း
ဖြစ်ပါတယ်။ ဒေသကိုလိုက်ပြီး မုန်တိုင်းတိုက်ခတ်မှုအရှိန်နှင့် ပြင်းထန်မှုကွာခြားပါတယ်။

တခုကောင်းတာက တီဗီကနေအဆက်မပြတ်သတင်းထုတ်လွှင့်ပေးနေခြင်းပါပဲ။
(ငလျှင်နည်းနည်းလေးလှုပ်သွားတာတောင်တီဗီမှာချက်ချင်း ဘယ်လောက်နှုန်းနဲ့ဘယ်နေရာမှာ
လှုပ်သွားကြောင်းနှင့်အကျိုးဆက်တွေချက်ချင်းထုတ်လွှင့်ပေးလျှက်ရှိပါတယ်။)

ဘူတာတွေရဲ့အခြေနေ၊ ရထားပြေးဆွဲမှုအချိန်နောက်ကျခြင်း၊ ရပ်နားခြင်း၊ ဘယ်လိုင်းတွေကဘယ်လို
အခြေနေဖြစ်နေကြောင်း၊ အခြားလေကြောင်း၊ရေကြောင်းခရီးစဉ်တွေအခြေနေနှင့် လတ်တလော
အခင်းဖြစ်ပွားရာနေရာတွေကိုပါ လိုက်လံရိုက်ကူးပြီး ထုတ်လွှင့်ကြေငြာပေးနေတာမို့
အိမ်ထဲအောင်းနေပေမဲ့ အပြင်ရောက်နေသူထက်တောင် ပိုမြင်တွေ့နေရပါတယ်။
တချို့ဒေသတွေမှာအပင်တွေလဲ၊ကွန်တိန်နာကြီးတွေတောင်ပြိုလဲပြန့်ကျဲနေတာတွေရှိပါတယ်
တချို့အိမ်တွေအမိုးလန်ပြီး၊ ပျက်စီးတာတွေရော၊ အဆိုးဆုံးကတော့ရေမြောင်းလားချောင်းလား
မသိတဲ့အပေါ် လမ်းကူးဆက်ဖောက်ထားသော ကတ္တရာလမ်းမကျယ်ကြီးက ရေထဲပြိုကျနေခြင်းပါ

တိုကျိုနဲ့နီးစပ်သောချိဘကဲ့သို့အချို့ဒေသတွေမှာတောင်မိုးသဲပြီးရေကြီးနေပါတယ်။
တချို့ရထားလိုင်းတွေ၁နာရီ၂နာရီခန့်လမ်းလယ်ခေါင်ရပ်ဆိုင်းနေရတာကြောင့်ခရီးသည်တွေ
တံခါးဖွင့်ပြီးလမ်းဆင်းလျှောက်ကုန်ကြတာလဲတွေ့ရကြောင်းပါ။

ညနေခင်းမှာတော့မုန်တိုင်းကတိုကျိုကိုလွန်သွားမယ်လို့ဆိုပါတယ်။
ဂျပန်ရဲ့တောင်ဘက်ကနေအရှေ့မြောက်ဘက်သို့ရွေ့လျားနေကြောင်းပါ။

တိုကျိုကကိုယ်ခံစားရသောမုန်တိုင်းကတော့
မနက်၇နာရီနိုးလာတော့မိုးသဲပြီး ၈နာရီလောက်မှာမိုးခေတ္တရပ်သွားပြီးလေကတဖြည်းဖြည်းပြင်းထန်
လာပါတယ်။ ခုတော့ ၁၁နာရီ၁၅မိနစ်မှာလေငြိမ်စပြုသွားပါတယ်။၂၅မိနစ်မှာလေတဖန်ပြန်လည်
ပြင်းထန်လာပါတယ်။
အိမ်ထဲကအပြင်မထွက်ပါဘူး။ ：D

Read more »

ဂျပန်ဥပဒေရေးရာ

ဂျပန်ဥပဒေရေးရာ
ဒီကဏ္ဍလေးကိုရေးဖို့ယနေ့အကြံရလိုက်တယ်
မြန်မာပြည်မှာကိုယ်ယူလာတာကလည်းဥပဒေဘွဲ့၊
ဂျပန်ရောက်တော့လည်းအကျင့်ကမပျောက်ဘူး
တခုခုသိချင်ရင်မြေလှန်ရှာတတ်တာဝါသနာနဲ့
ဂျပန်ဥပဒေတွေသွားဖတ်မိတတ်ရင်း
အားလုံးကိုပါဝေမျှသိစေချင်တဲ့စိတ်နဲ့ရေးဖို့စိတ်ကူးမိတာပါ။
ဂျပန်လိုရေးထားတာတွေချည်းများတာမို့ ဂျပန်လိုနားမလည်သူတွေအနေနဲ့လည်း
သိချင်တာရှိရင် ကွန်မန့်ကတဆင့်မေးလို့ရအောင်
အားလုံးအချင်းချင်းမျှဝေဖလှယ်သွားချင်ပါတယ်။

ဗုဒွဟူးလောက်ကစပြီးတခုခုစရေးဖြစ်မယ်ထင်ပါတယ်။

Read more »

2009ခုနှစ်

Read more »