ထိမ်းမြားလက်ထပ်ခြင်း Myanmar and Japanese Marriage Law

တက္ကသိုလ်မှာတုံးက စာသင်ချိန် ဆရာမက
မြန်မာနိုင်ငံမှာကျင့်သုံးတဲ့လက်ထပ်ထိမ်းမြားခြင်းဆိုင်ရောဥပဒေဟာ
တစ်လင်တစ်မယားစနစ်လား ဇနီးများတာကိုအသိမှတ်ပြုစနစ်လားလို့
မေးခံရစဉ်က အတော်များများက တစ်လင်တစ်မယားလို့ဖြေခဲ့ကြတာ
ပြန်သတိရမိတယ်။

အဲဒီမှာကိုဝတုတ်ရဲ့ ရာဇ၀တ်မှုအကြောင်းရေးထားတဲ့ပို့စ်လေးသွား
သတိရမိတယ်။ ဥပဒေအရတော့ ရာဇ၀တ်မှုမမြောက်ပေမယ့်
ဘာသာတရားနှင့် ကျင့်ဝတ်ပိုင်းအရ
လူတွေရဲ့စိတ်ထဲမှာ သတ်မှတ်ထားတဲ့ စံတခုကို ဖောက်ဖျက်သလိုမို့
ဇနီးနှစ်ယောက်ယူခြင်းကို လူတွေက လက်မခံကြတာပဲဖြစ်ပါတယ်။

တကယ်တော့ မြန်မာနိုင်ငံမှာဥပဒေအရ မယားပြိုင်စနစ် ခွင့်မပြုဟု
တစ်လင်တစ်မယားစနစ် သတ်မှတ်ထားခြင်း မရှိပါဘူး။
ဆိုရလျှင် မယားပြိုင်ကို အသိမှတ်ပြုပါတယ်။
ဒါဟာ ရှေးယခင်က ဘာသာခြား၊ လူမျိုးခြားနှင့် ဒုတိယဇနီးအဖြစ်
လက်ထပ်ခဲ့ရတဲ့ မိန်းမပျိုတွေရဲ့အခွင့်ရေးကို ကာကွယ်ပေးရာကနေ
ဒီလို သတ်မှတ်ခြင်းဖြစ်လာတယ်လို့ ဆိုပါတယ်။
တခါတစ်ရံတော့ မြန်မာ့ဓလေ့ထုံးတမ်းဥပဒေတွေဟာ နားလည်ရခက်သလို
ဖြစ်ငြား စီရင်ထုံးတွေကိုးကားပြီး အလျှောက်ကောင်း အကိုးကားကောင်းလျှင်
က မှ ယ ဖြစ်လေ့ရှိတာမို့ စီရင်ထုံးသစ်တွေ မကြာခဏဆိုသလို
ပေါ်ထွက်လာလေ့လည်း ရှိပါတယ်။

တခါတရံတော့လည်း ခေတ်မမီတာလည်းပါမယ်။ နည်းပညာထွန်းကားမှု
လိုအပ်ခြင်းလည်းပါမယ်။ ပုဆိုးတန်းတင် အကြင်လင်မယားဆိုသလိုပဲ။
ရှေ့နောက် ပတ်ဝန်းကျင် ခုနှစ်အိမ်က အကြင်လင်မယားဖြစ်ကြောင်း
အသိမှတ်ပြုရင်ပဲ လင်မယားအရာမြောက်တာမို့ လန့်စရာလို့
တွေးမိခဲ့ဖူးတယ်။

ဒီစနစ်ဟာ လက်မထပ်သေးဘဲ အတူနေထိုင်မှုတွေများသော နိုင်ငံရပ်ခြား
တိုင်းပြည်တခုအနေဖြင့်ကြည့်ရင် သိပ်ကိုအံ့သြစရာကောင်းပေမဲ့
မြန်မာအမျိုးသမီးတွေအတွက် တနည်းအားဖြင့် အပြည့်ဝကာကွယ်မှု
ပေးထားတယ်လို့ ဆိုလျှင်လည်းမမှားပါဘူး။ သို့ငြား သွေးသားဆန္ဒဆိုတာ
သဘာဝမို့ ဒီ့အတွက် အိမ်ထောင်ပြုမှပဲဖြစ်မယ်ဆိုတဲ့သဘောမျိုး ရောထွေးပြီး
သတ်မှတ်ထားခြင်းခံရတာကကော ကောင်းတယ် ဖြစ်သင့်တယ်လို့ ယူဆမိပါသလား။

တကယ်တော့အိမ်ထောင်ပြုတယ်ဆိုတာဟာ မြန်မာစကားပုံမှာတင်စားထားသလိုပဲ
အိမ်ထောင်ပြု၊ ဘုရားတည်၊ ဆေးမင်ရည်စုတ်ထိုး သုံးမျုိးဟာပြင်ရန်ခက် ဆိုသလိုပဲ
ချစ်လို့ လက်ထပ်လိုက်ပြီး သဘောထားတွေမတိုက်ဆိုင်လို့ ကွဲကွာတာမျိုးတွေ
ထက်စာလျှင်တော့ အတူနေထိုင်ကြည့်ခြင်းအားဖြင့် တယောက်စရိုက်တယောက်
သိနားလည်လာတာမို့ နောက်ဆုတ်ဖို့လည်းလွယ်ပါတယ်။
သို့ငြား မြန်မာ့ဓလေ့အရတော့ လက်ခံနိုင်မည်မထင်ပါ။
မိမိလည်းမြန်ပြည်ဖွားမိန်းမသားတစ်ဦးမို့ ယင်းကို ပြင်းပြင်းထန်ထန် ရှုံ့ချခဲ့ဖူးငြား
အသက်ရွယ်ရလာပြီး နိုင်ငံတကာနှင့်ယှဉ်ထိုးကြည့်မိတဲ့အခါမှာတော့
ခုလိုအတွေးလိုမျိုးတွေ တွေးမိလာပါတယ်။

ဆက်ရလျှင် ဂျပန်နိုင်ငံရဲ့ လက်ထပ်ထိမ်းမြားခြင်းဥပဒေကတော့
တစ်လင်တစ်မယားစနစ်ဖြစ်ပါတယ် လင်ပြိုင်မယားပြိုင်ယူခွင့်မပြုပါဘူး။
ဒီလိုပြဌာန်းထားတာကိုတွေ့ရပါတယ်။

တရားဝင်အိမ်ထောင်ပြုခြင်းမြောက်စေတာကတော့  family registerလို့ခေါ်တဲ့
အိမ်ထောင်စုစာရင်းကို ရပ်ကွက်ရုံးဌာနမှာ စာရင်းသွားသွင်းရပါတယ်။
အဲဒီ့အတွက် လက်ထပ်ထိမ်းမြားခြင်းကို နှစ်ဦးသဘောတူ လက်မှတ်ရေးထိုးထားတဲ့
(ရပ်ကွက်ရုံးမှာပုံစံရှိပါတယ်)သဘောတူစာရွက်လိုအပ်ပါတယ်။
နှစ်ဦးလုံးဟာ ဂျပန်လူမျိုးဖြစ်မယ်ဆိုလျှင် တစ်ဦးဟာ အိမ်ထောင်ဦးစီးအဖြစ်
စာရင်းသွင်းရပါပြီး မိသားစု အမည်လည်း တူညီသင့်တယ်လို့ဆိုပါတယ်။
တစ်ဦးဦးကနိုင်ငံခြားသားဖြစ်လျှင် ယင်းအချက်အားပယ်ပါသည်။
တစ်ဦးဦးက နိုင်ငံခြားသားဖြစ်မည်ဆိုလျှင် နိုင်ငံခြားသားအနေဖြင့်
အိမ်ထောင်ဦးစီးဖြစ်ခွင့်မရှိဘူး။ မှီခိုသာဖြစ်ရမယ်လို့ဆိုပါတယ်။

(အဲဒီမှာ နည်းပညာထွန်းကားတဲ့အတွက် ဂျပန်ရဲ့အားသာချက်ကတော့
တနေရာမှာ စာရင်းသွင်းလက်ထပ်လိုက်ပြီ ဆိုတာနဲ့ ကာယကံရှင် က
ဘယ်ဒေသ(ဂျပန်နိုင်ငံတွင်း)မှနေပြီး စာရွက်စာတမ်းထုတ်ထုတ်
အဲဒီမှတ်တမ်းဟာ စာရင်းဝင်နေပါတယ်။ အိမ်ထောင်ဘယ်နှစ်ဆက်
ဆိုတာကအစ စာရင်းဖျောက်လို့မရနိုင်ပါဘူး။)
ဒီ့အတွက် အိမ်ထောင်ရှိလျှက် လိမ်ပြီးလက်ထပ်ဖို့လည်း
ကာကွယ်ပြီးသားဖြစ်သွားပါတယ်။

ပြဌာန်းချက်များကတော့
၁။အမျိုးသားဆိုလျှင် အသက်၁၈နှစ်မပြည့်သူ၊ အမျိုးသမီးဆိုလျှင်
  အသက်၁၆နှစ်မပြည့်လျှင်ထိမ်းမြားခွင့်မရှိပါဘူး။(ပုဒ်မ ၇၃၁)
၂။အဓိကမကျပေမဲ့အသက်မပြည့်သေးသူဖြစ်လျှင် သူ သို့ သူမ ဧ။် မိဘများက
 သဘောတူလက်ခံခွင့်ပြုချက်ရှိရပါမယ်။
 (ပုဒ်မ ၇၃၇)
၃။တရားဝင်အိမ်ထောင်ပြုထားဆဲဖြစ်သူသည် (အခြားတဦးနှင့်အပြိုင်)
လက်ထပ်ခြင်းကို တားမြစ်သည်။
 (ပုဒ်မ ၇၃၂)
၎။အမျိုးသမီးတဦးဟာ ကွာရှင်းပြတ်စဲပြီး ၆လအတွင်း နောက်အိမ်ထောင်ပြုခွင့်မပြုပါ။
(ပုဒ်မ ၇၃၃)
(ထပ်မံဖြည့်စွက်ချက်)  အမျိုးသမီးဟာ ယင်းရက်မတိုင်မီ ကိုယ်ဝန်ရှိပြီး ခလေးမွေးဖွားပြီးသူ
ဖြစ်ရင်တော့ခြွင်းချက်ဖြစ်သည်။
(မှတ်ချက်။ ။ ပထမအိမ်ထောင်နှင့်ရသော ကိုယ်ဝန်ရှိမရှိအတွက် ၆လသတ်မှတ်သည် ဟု
ဆိုကြပါသည်။)

၅။သွေးသားတိုက်ရိုက်တော်စပ်ခြင်း၊ ဆွေမျိုးတော်စပ်ခြင်းသုံးဆက်အထိ လက်ထပ်ခွင့်
 မပြုပါ။မွေးစားထားသောခလေးနှင့် တော်စပ်ခြင်းက ခြွင်းချက်ဖြစ်ပါသည်။
 (ပုဒ်မ ၇၃၄)
၆။သွေးသားအရင်းချာဖြစ်ပါက လက်ထပ်ခွင့်မပြု။
 (ပုဒ်မ ၇၃၅)
၇။မွေးစားမိဘ သို့ (မွေးစားခလေးနှင့်)သွေးသားတော်စပ်သူမိဘမှမွေးဖွားလာသူ၊
 မွေးစားမိဘဧ။်ဇနီးသို့ခင်ပွန်း သို့ ယင်းဧ။်သွေးသားတော်စပ်သူ၊ သို့ သွေးသားတော်
 စပ်သူဧ။်ဇနီးသို့ခင်ပွန်းအား မွေးစားခလေးဖြင့်လက်ထပ်ခွင့်မပြု။
 (ပုဒ်မ ၇၃၆)

 (၁)လက်ထပ်ခွင့်တားမြစ်ခြင်းတွင် အောက်ပါအခြင်းရာများကို
    ထည့်သွင်းစဉ်းစားမည်ဖြစ်သည်။ ဥပမာ ခလေးဧ။် ဖခင်ဖြစ်သူ။
 (၂)တအူတုံဆင်းမောင်နှမ၊ဦးလေး၊အဒေါ်၊တူ၊တူမစသော သွေးသားရင်းချာသူများကြား။
 (၃)နှစ်ဦးနှစ်ဖက်ဧ။်သွေးသားတော်စပ်မှုအခြေအနေ။
    စသဖြင့်တွေ့ရှိရပါတယ။်

ဂျပန်မှာရောက်ရှိနေတာမို့ တချို့မြန်မာဥပဒေစာအုပ်တွေ မွှေနှောက်ဖတ်ကြည့်လိုပေမဲ့
အခွင့်မပေးတာမို့ မပြည့်စုံတာများတွေ့လျှင် အကြံပေးဖို့လည်း မေတ္တာရပ်ခံလိုပါတယ်။

အားလုံးပဲကျန်းမာပျော်ရွှင်ပါစေ

Posted in: ဂျပန်မှာ,ဥပဒေရေးရာ