ကြက်ဟင်းခါးသီးတိုဖူးမွှေကြော် ゴーヤチャンプル Gooya Chanpuru

ကြက်ဟင်းခါးသီးကိုဝက်သား၊တိုဖူး၊ကြက်ဥခလောက်ထည့်ကာမွှေကြော်လေ့ရှိသော

ဂျပန်မီးဖိုချောင်ထဲက ဟင်းတခွက်လို့ဆိုရမှာပါ။

ゴーヤチャンプル　Gooya Chanpuru လို့ခေါ်ပြီး ဂေါ်ရာဆိုတာ ကြက်ဟင်းခါးသီး

ဖြစ်ပြီး ချန်ပုရုကတော့ အိုကီနာဝါဒေသဘက်မှာ သုံးလေ့ရှိသောဒေသသုံးစကား

ဖြစ်ပြီး မွှေကြော်ဆိုတဲ့အဓိပါယ်ရတယ်လို့ဆိုပါတယ်

ဒီနှစ်နွေပူမယ်ဆိုတော့ အိမ်က ဝရန်တာမှာမရမကစိုက်တဲ့ ကြက်ဟင်းခါးသီးပင်လေး

တွေ သီးလာတော့ လုပ်စားရင်းသိပ်ကိုကြိုက်လို့ အဲသည့်နောက်ပိုင်း ခဏခဏလုပ်

စားဖြစ်တာမို့ ဝေမျှပေးလိုက်ပါတယ်ရှင်။

၁။ကြက်ဟင်းခါးသီး တလုံး အရှည်၆လက်မခန့်

  ကြက်ဟင်းခါးသီးကို အလုံးလိုက်၂လက်မခန့်ဆီပိုင်းပြီး အစေ့နှင့် အသားနား

 ရောက်သည်ထိကပ်နေတဲ့အဖြူရောင်အသားတွေကို ဇွန်းနဲ့ခြစ်ထုတ်ပါတယ်။

 ပြီးလျှင် (အခါးကြိုက်လျှင်ထူထူ)  ပါးပါးလှီးပြီး ဆားနဲ့နယ်၊ ရေအနည်းငယ်စိမ်ပြီး

 ၂ခါခန့်ဆေးပြီး ရေစစ်ကာ ရေညှစ်ထားပါတယ်။

၂။တိုဖူးကို ပန်းကန်ထဲထည့် အောက်ကဆီစုပ်စက္ကူထူထူခံပြီး ovenထဲ တခါလောက်

 ဟင်းနွေးသလိုနွှေးလိုက်ရင် ပိုခြောက်ပြီး အရေဓါတ်အတော်လျော့သွားပါတယ်။

၃။ကြက်ဥ၂လုံးကိုဆားအနည်းငယ်ဆိုရုံမျှထည့်ပြီး ခေါက်ထားပါတယ်။

၄။ပန်းကန်လုံးသေးတခုထဲ အရသာအတွက်စပ်ဟပ်ပြီး အသင့်ထည့်ထားပါတယ်။

ခရုဆီ ဇွန်းကြီး ၁ဇွန်း (ကျမကထိုင်းခရုဆီသုံးပါတယ် အငံပေါ့ပြီးအချိုလေးပါတယ်)

အသားမှုန့် လဘက်ရည်ဇွန်းသေးမောက်မောက်တဇွန်းခန့်

ဆား အနည်းငယ်

ငရုတ်ကောင်းအနည်းငယ်

၅။အသားကိုပါးပါးလှီး(ဒီမှာတော့အလွှာလိုက်ရောင်းတော့ အနေတော်ဖြတ်ပါတယ်)

ငံပြာရည်နှင့်သကြားအနည်းငယ်ထည့်ပြီးနယ်ထားပါတယ်။

စကြော်ပါတယ်။

၁။ဆီနည်းနည်းထည့်အသားကိုထည့်ပြီးမွှေးတဲ့အထိ ၃မိနစ်ခန့်လှိမ့်ပါတယ်။

၂။ကြက်ဟင်းခါးသီးထည့်ပါတယ်။ အနည်းငယ်ပူအောင်၁မိနစ်ခန့်မွှေပြီး

၃။ တိုဖူးကိုဇွန်းဖြင့်မညီမညာခပ်ပြီး မကြေတကြေထည့်ပါတယ်။ခဏမွှေပါတယ်။

၄။အရသာစပ်ထားတာထည့်ပြီး ရေသိပ်ခြောက်လို့ မနှံ့တနှံဖြစ်နေရင်

ရေနည်းနည်းလေးထည့်ပြီး အရသာနှံ့အောင်မွှေရင်း ရေဓါတ်မကျန်တကျန်လေး

ဖြစ်တဲ့အခါ ကြက်ဥမွှေကိုအနှံ့ထည့်ပြီး မကျက်ခင် အမြန်ရောမွှေပါတယ်

အဲသည့်အခါ ကြက်ဥဟာ အသား၊ကြက်ဟင်းခါးသီး၊တိုဖူးတို့နဲ့တသားတည်းပေါင်း

စပ်သွားပြီး စားလို့ရပါပြီ။

အားလုံးပဲကျန်းမာပျော်ရွှင်ပါစေရှင်

Posted in: ဂ်ပန္အစားစာ,ဟင္းအိုး