အောက်တန်းလွှာတို့ဆုံဆည်းပွဲ (၁)

မရည်ရွယ်ပဲ NHK ကလာတဲ့ ဂျပန်ဒရာမာဇာတ်လမ်းလေးတပုဒ်ကြည့်မိပါတယ်။
အစွဲကြီးစွဲသွားမိပါတယ်။ ညွှန်းပါရစေ။

下流の宴 (karyuu no utage) လို့ခေါ်ပြီး အပတ်တိုင်း အင်္ဂါနေ့ည၁၀နာရီမှာလွှင့်ပါ
တယ်။　နောက်တပါတ်နှစ်ပါတ်လောက်မှာဇာတ်သိမ်းမယ်လို့မျှော်လင့်ရပါတယ်။

ဇာတ်လမ်းအကျဉ်းကတော့

သမီးတဦး၊သားတဦး(မင်းသား)ရှိပြီး၊ သားအပေါ်ငယ်စဉ်တည်းက အလွန်ချစ်ကာ ရည်မှန်း
ချက်ကြီးကြီးပိုက်လို့ တချိန်လုံးစာမှစာ ကြိုးစားခိုင်းပြီး စည်းကမ်းကြီးကြီးပြုစုပျိုးထောင်
လာရာကနေ စိတ်ဖိစီးလာပြီး မင်းသားဟာ အထက်တန်းကျောင်းအရွယ်မှာ ကျောင်းမသွား
တော့ပဲ အဆုံးမှာ သာမန်အင်တာနက်ဆိုင်စာရေးအဖြစ် အချိန်ပိုင်းသာအလုပ်လုပ်ပြီး
သက်သက် အိမ်ခွဲနေပါတော့တယ်။ မင်းသားရဲ့စရိုက်ဟာ စကားမပွင့်တပွင့်ပြောပြီး
အေးတိအေးစက်နဲ့ ရင်ထဲကစကားသိပ်ထုတ်ဖော်မပြတတ်တဲ့စရိုက်မျိုးပါ။


မင်းသမီးရဲ့စရိုက်ကတော့ အသံကျယ်ကျယ်၊ ပွင့်ပွင့်လင်းလင်းနဲ့ ရင်ထဲရှိသမျှ ပြော
လေ့ရှိသူပါ။
မင်းသမီးက အိုကီနာဝါလို့ခေါ်တဲ့ ဂျပန်တောင်ဖျားကကျွန်းကလေးက ဇာတိဖြစ်ပြီး
မိခင်ကတော့ နောက်အိမ်ထောင်ထူထားပြီး အရက်ဆိုင်ဖွင့်လှစ်ထားသူဖြစ်ပါတယ်။

နောက်အိမ်ထောင်နှင့်သားလေးတဦး ထွန်းကားပြီး မောင်နှမနှစ်ဦးဟာ အရင်းချာကဲ့သို့
အလွန်ချစ်ခင်ပါတယ်။ တိုကျိုမှာ အချိန်ပိုင်းအလုပ်လုပ်နေတဲ့မင်းသမီးနှင့်မင်းသားတို့
ဆုံဆည်းပြီး အတူအခန်းငှားနေကြပါတယ်။

(မင်းသားရဲ့)အမေဖြစ်သူရဲ့ဖခင်ဟာ ဆရာဝန်ကြီးဖြစ်ကာ
ကိန်းခန်းကြီးတဲ့မိခင်ရဲ့အုပ်ထိန်းမှုအောက်မှာငယ်စဉ်တည်းကပြည့်စုံစွာနေထိုင်လာရပြီး၊
ခင်ပွန်းသည် (မင်းသားရဲ့)အဖေဖြစ်သူဟာလဲ နာမည်ကြီးကုမဏီကြီးတစ်ခုကဌာနမှူး
ဖြစ်တာမို့ မိမိကိုယ်မိမိ အထက်တန်းလွှာကတော်တစ်ဦးကဲ့သို့ သွေးကြီးပါတယ်။

နဂိုတည်းကသွေးကြီးသော မင်းသားရဲ့မိခင်ဖြစ်သူဟာ သားကို ကျောင်းပြန်မတက်လို့
အမျိုးမျိုးဆက်သွယ်တိုက်တွန်းနေတဲ့ကြားက မင်းသမီးကို အောက်တန်းအလွှာဖြစ်တယ်
လို့သတ်မှတ်တာမို့ အနာကြီးနာ အခါကြီးခါ သဘောမတူပါဘူး။ သားကိုလည်း ဘယ်လို
မှပြောမရတဲ့အပြင် အဘွားဖြစ်သူက အိုစာမင်းစာစုဆောင်းထားတဲ့ ဂျပန်ငွေ သိန်းတစ်
ရာကို ပေးပါ့မယ်။ နိုင်ငံရပ်ခြားသွားပညာသင်ပါလို့ဆိုလည်း ငြင်းပါတယ်။ ဘာလုပ်
(လို)ချင်တာရှိလဲမေးတော့လည်း မင်းသားက အထွေထူးမရှိဘူးလို့ငြင်းပါတယ်။

သည်လိုနဲ့ အိုကီနာဝါကလာလည်တဲ့မောင်လေးက အိမ်မှာတည်းခိုရင်း ရုတ်တရက်ဖျား
တော့ မင်းသားက သူ့ရဲ့ ကျန်းမာရေးအာမခံဆောင်ထားတဲ့ကဒ် ငှားပြီး ဆေးခန်းပြခိုင်း
ပါတယ်။(ယင်းဟာ ဥပဒေအရ ကာယကံရှင်မှလွဲပြီး သုံးလို့မရပါဘူး) သည်မှာတင်ပဲ
မောင်လေးဟာ ငွေအတွက် (ဒုက္ခရောက်သူကိုကူညီဖို့ .ကျမသေချာမကြည့်လိုက်မိတဲ့
အခန်းပါ) တခြားသူငယ်ချင်းကို ယင်းကဒ်ငှားရာကနေ ယင်းကဒ်ကိုသုံးကာ ဖုံးလုပ်ပြီး
ဖုံးဖိုးငွေအများကြီးကျတဲ့အပြင် အမှုခင်းဖြစ်တာမို့ ကာယကံရှင်ဖြစ်တဲ့မင်းသားထံသို့
ရဲစခန်းမှလာခေါ်တဲ့အခါ၊ မင်းသားနဲ့တွေ့ဖို့လာတဲ့အမေဖြစ်သူပါအဖြစ်မှန်သိသွားပြီး
ရွှေမင်းသားလိုမွှေးမြူလာတဲ့မိမိသားကို ရုံးရောက်ဂါတ်ရောက်ဖြစ်တာမို့ အလွန်စိတ်ဆိုး
ပါတယ်။

တဖက်မှာလည်း မင်းသမီးဟာ အထက်တန်းလွှာကမင်းသားနဲ့ကြိုက်တာမို့ မိခင်ဆီပြော
ပြတဲ့အခါ အရိုးခံပွင့်လင်းသူများပီပီ အလွန်ကို သဘောကျကြပါတယ်။ မင်းသမီးရဲ့အမေ
ကိုလည်း အလွန်အရေးထားကြပါတယ်။ သည်လိုနဲ့ မောင်လေး၊မင်းသမီးတို့ဟာ အမေ
ဖြစ်သူကို တောင်းပန်ဖို့ မင်းသားနဲ့အတူ အိမ်အရောက်သွားကာ အမျိုးမျိုးတောင်းပန်ရာ
မင်းသားအမေက ခုပဲပြဿနာတွေဖြစ်ရပြီ မင်းတို့နဲ့သားနဲ့ဟာပြုစုပျိုးထောင်မှုကွာသလို
အဆင့်တန်းလည်းကွာခြားတာမို့ ဘယ်လိုမှမဖြစ်နိုင်ဘူး လို့ အထပ်ထပ်ဆိုပါတယ်။
သည်မှာတင်ဆရာဝန်ကြီးသမီးဖြစ်တာနဲ့အဲလောက်အဆင့်တန်းမြင့်သလားလို့ မင်းသမီး
ကမေးတဲ့အခါ အမေဖြစ်သူက ဟုတ်တယ် ဆရာဝန်ဆိုတာ သတ်မှတ်ထားတဲ့လူတစုပဲ
ဖြစ်တာ ဖြစ်ချင်တိုင်းဖြစ်လို့ရတာမဟုတ်ဘူး ဒါကြောင့်သွေးကြီးတယ်လို့ဆိုပါတယ်
(အဲသည့်မှာမိတ်ဆွေတဦးကိုသွားသတိရပါတယ် ：））)အဲလိုနဲ့မင်းသမီးဟာ ဆရာဝန်ဆို
တာ အဲလောက်ဂုဏ်ကြီးမြင့်မြတ်သလား ဒါဆို ကျမဆရာဝန်ဖြစ်ရင် အောက်တန်းလွှာ
မဟုတ်တော့တာမို့ လက်ထပ်ဖို့ ခွင့်ပြုပေးမလားလို့အတင်းကျပ်မေးရာကနေ အဆုံး
မင်းသမီးအမေက ဘယ်လိုမှမဖြစ်နိုင်ဘူး ရူးနေတာပဲဖြစ်မယ်လို့ဆိုရင်း အဆုံးသတ်ပါ
တယ်။

အဲသည့်နောက် မင်းသမီးဟာ ကျားကုတ်ကျားခဲကြိုးစားပါတော့တယ်။ သို့ငြား ခရီးမတွင်
ပါဘူး။ ဆေးကျောင်းဝင်ခွင့်ဟာ ဂျပန်မှာအလွန်ခက်ခဲပါတယ်။ အထက်တန်းအောင်ပြီးတဲ့
အပြင် ကျောင်းဝင်ခွင့်အတွက် သတ်မှတ်ဘာသာတွေ သီးသန့်လေ့လာရတာမို့ပါ။

အပိုင်း၂ (ဖတ်ရလွယ်အောင်ပါ)
မင်းသမီးအမေဟာ ငယ်သူငယ်ချင်းတွေမိတ်ဆုံစားပွဲမှာ သူငယ်ချင်းဟောင်းတဦးနှင့်ပြန်
ဆုံပြီး၊ ယင်းဟာ တိုကျိုတက္ကသိုလ်(ဂျပန်မှာနံပါတ်၁)၀င်ပြီးနောက် တက္ကသိုလ်ကျောင်းဝင်
ခွင့်တွေအတွက် နည်းလမ်းပြစာသင်ညွှန်ကြားပေးရာမှာ အလွန်ကိုအောင်မြင်နေပြီး နံပါတ်
၁ရယ်လို့ နာမည်ကြီးနေသူ အမျိုးသားတဦးဖြစ်ပါတယ်။ ထိုသူဟာလည်း ငယ်စဉ်ကအလွန်
ဆင်းရဲခဲ့ပြီး မိခင်မင်းသမီးကယင်းကို ခလေးဘ၀ကူညီလုပ်ကိုင်ပေးတိုင်း မိခင်မင်းသမီးရဲ့
အမေက ခွဲခြားဆက်ဆံခဲ့ပါတယ်။ ဤသို့ဖြင့် မိခင်ဖြစ်သူဟာ မ၀ံ့မရဲနှင့်သူငယ်ချင်း
(ဆရာ)ကို အကူညီတောင်းရာ မင်းသားနှင့်တွေ့ပေးမည် ဟုလက်ခံကာ ရက်စွဲပေးလေရာ
မိခင်မှာ အလွန်ဝမ်းသာပြီး သားထံဖုံးဆက်ကာ ဆက်ဆက်သွားဖို့ အထပ်ထပ်ဆိုပါတယ်။

သားဖြစ်သူဟာ သွားပါတယ်။ ဆရာနဲ့စကားပြောရင်း မျက်ဝန်းက အခန်းဝကိုခဏခဏ
ကြည့်ရာ မင်းသမီးကိုအတူခေါ်လာတာဖြစ်ပြီး ဆရာ့ထံ စာတကယ်သင်ချင်တာ ဆေး
ကျောင်းဝင်ချင်တာ သူမပါဟုဆိုလေသည်။ ထိုအခါမင်းသမီးသည် နဂိုစရိုက်ပွင့်လင်းသူ
ပီပီ အသံကျယ်ကျယ် အလွန်မင်းစိတ်လှုပ်ရှားစွာဖြင့် ကျမအောက်တန်းစားမို့လက်ထပ်
ခွင့်မပြုနိုင်ဘူးလို့ဆိုတဲ့ မင်းသားရဲ့အမေဖြစ်သူကလက်ခံလာအောင် ဆေးကျောင်းတက်
ခွင့်ရချင်လို့ ကူညီပေးပါလို့ဆိုတဲ့အခါ ရုတ်တရက်မိခင်သူငယ်ချင်းဖြစ်ပြီး အခက်တွေ့
သွားတဲ့ဆရာဟာ ငါ့ကျောင်းကဈေးကြီးတယ်လို့ဆိုပါတယ်။ သည်လိုနဲ့မင်းသားဟာ
လာ သွားစို့လို့ဆိုကာ ၂ဦးသား ပြန်သွားကြပါတယ်။

မင်းသားအမေဟာ သားအခြေနေသိလိုတာမို့ လက်ဆောင်ပိုက်ကာ ဆရာထံလာတွေ့ပါ
တယ်။ အကျိုးကြောင်းသိတဲ့အခါ စိတ်ဆိုးပါတယ်။ သည်အခါ ဆရာက ဆိုပါတယ်။
မင်းက အရင်အတိုင်းပဲ နည်းနည်းမှမပြောင်းလဲဘူးနော်ဟု။ ငါတက္ကသိုလ်ဝင်ခွင့်ကျတဲ့
အခါတုံးက မင်းကိုချစ်ရေးဆိုခဲ့စဉ်က တို့တွေက အသိုင်းဝိုင်းချင်း အဆင့်တန်းချင်း
ဘ၀ချင်းကွာခြားတယ်လို့ ဆိုပြီး မင်းငြင်းခဲ့တယ်နော်။ ခုလည်း သားဖြစ်သူရဲ့ချစ်သူကို
မင်း အဆင့်ကွာလို့ လက်မခံနိုင်ပြန်ဘူး။ တကယ်တော့ အခု အရမ်းကိုအောင်မြင်ကျော်
ကြားပြီး ငွေဆိုတာလက်ဖျားသီးနေတဲ့ ငါလည်း တချိန်က အောက်တန်းလွှာဖြစ်ခဲ့တာပါ။
ခုတော့ငွေနောက်အောင်မြင်မှုနောက်လိုက်ရင်း ငွေနဲ့အောင်မြင်မှုဝန်းရံနေတဲ့ကြားဘ၀
ကနည်းနည်းပျင်းဖို့ကောင်းလာတယ်။ မင်းရဲ့သားရဲ့ချစ်သူကောင်မလေးကိုမြင်တဲ့အခါ
ငါ့ရဲ့ငယ်ဘ၀ကို သွားသတိရတယ်။ သူက ငါငယ်ငယ်ကလိုပဲ။ ဒါကြောင့်ငါစိတ်ပြောင်း
သွားပြီ လို့ဆိုတဲ့အခါ ဘာကိုဆိုလိုမှန်းဒွိဟနဲ့အံ့အားသင့်နေတဲ့မိခင်ဖြစ်သူကြား
တံခါးခေါက်ကာ မင်းသမီးဟာ ဆရာခေါ်လို့ဆိုပြီးရောက်လာပါတယ်။ ရောက်လာတဲ့
မင်းသမီးကို ဆရာဟာ မင်းကို ဆေးကျောင်းဝင်ခွင့်ရအောင် ငါတာဝန်ယူသင်ပေးမယ်
လို့ဆိုပါတယ်။ သစ္စာဖောက်ဆိုပြီး ဆရာကိုအကြီးကျယ်စိတ်ဆိုးသွားခါ မိခင်ဟာပြန်သွား
ပါတယ်။

ဆရာက မင်းသမီးရဲ့ပင်ကိုယ်ဥာဏ်စွမ်းဘယ်လောက်အဆင့်ရှိလဲစစ်ဖို့ကို စမ်းသပ်မေးခွန်း
ဖြေခိုင်းတဲ့အခါ အတော်ကြီးချာမှန်းသိသွားပါတော့တယ်။ ချာတယ်ဆိုတာထက်တက္ကသိုလ်
ဝင်ခွင့်ဖြေဖူးတဲ့စာလုပ်ဖူးတဲ့အတွေ့ကြုံမရှိတာမို့နကန်းတလုံးမှမသိပါဘူး။
သည်လိုနဲ့ နေ့ရောညပါကြိုးစားပြီး မနက် အချိန်ပိုင်းအလုပ် ည စာကျက်၊ ညသန်းခေါင် အ
ချိန်ပိုင်းသန့်ရှင်းရေးလုပ်ကာအိပ်ရေးမ၀တဲ့မင်းသမီးကိုကြည့်ရင်း မင်းသားဟာ မလုပ်စဖူး
အဘွားဆီရုတ်တရတ်ရောက်သွားပြီး သိန်း၃၀ချေးဖို့မေတ္တာရပ်ခံပါတယ်။ (ဂျပန်ကသာမန်
တက္ကသိုလ်တွရဲ့တနှစ်စာလခက ၁၂သိန်းဝန်းကျင်ရှိပါတယ်။ မြန်မာငွေ သိန်း၁၂၀ကျာ်)

အဘွားက ငါမမာကျန်းဖြစ်တဲ့အခါသုံးဖို့အိုစာမင်းစာစုထားတာ မင်းကောင်မလေးက ဆေး
ကျောင်းဝင်ခွင့်မရခဲ့ရင် ဘယ်လိုပြန်ဆပ်မလဲ။ငါ့ငွေဆုံးမှာပေါ့၊မင်းကလဲ အချိန်ပိုင်းအလုပ်
နဲ့ ဒီလိုငွေပမာကြီးကို ဘယ်နှစ်နှစ်ကြာအောင်စုပြီးဆပ်နိုင်မှာလည်း၊ သူကဆေးကျောင်းဝင်
ခွင့်မရရင်ငါ့ငွေကဆုံးပြီဆိုတာသေချာတယ်။ ဒါကိုငါက ခုလိုဖြစ်လာမှန်းမဖြစ်လာမှန်းမသိ
တဲ့ သဘောမကျတဲ့ မင်းကောင်မလေးအတွက်ငွေထုတ်ပေးရမယ်ဆိုတာ ငါသူငယ်ပြန်သွား
မှပဲဖြစ်မယ်လို့ဆိုပါတယ်။ အဆုံးမှာ ဒါပေမဲ့ သတ်မှတ်ချက်ရှိတယ်။ မင်းကောင်မလေးဆေး
ကျောင်းဝင်ခွင့်မရရင် မင်းတက္ကသိုလ်ပြန်တက်ဖို့ကြိုးစားပါမယ်ဆိုတဲ့ကတိပေးရင်တော့
ထုတ်မယ် လို့ဆိုရင်း နှစ်ဦးသားသာသိတဲ့သဘောတူလျှို့ဝှက်ချက်ဖြစ်သွားပါတယ်။

တဖက်မှာလည်း မိခင်ရဲ့သူငယ်ချင်းဆရာဟာ မင်းသမီးသာဖြစ်ထွန်းအောင်မြင်လျှင် မင်းသား
သည်လည်း အလိုလိုကြိုးစားချင်စိတ်ဝင်လာလိမ့်မယ် လို့ စေတနာဖြင့် မျှော်လင့်နေပါ
တယ်။ သည်လိုဖြင့် နောက်အပတ်ဆက်ကြည့်ရပါဦးမယ်ရှင်

အားလုံးပဲပျော်ရွှင်ပါစေ
(မောလိုက်တာ ကျမ ဇာတ်လမ်းတွေ ပြန်ပြောရတာတောင် သိပ်ပျင်းတာ
ခုတော့ ကောင်းလွန်းလို့ အရှည်ကြီးရေးရတာ မောလိုက်တာ：））)

Posted in: ရုပ်ရှင်အညွှန်း,ဖျော်ဖြေရေး