တိုဖူးလုပ်နည်း နှင့် တိုဖူးသုပ်

တိုဖူးသုပ်လုပ်စားမယ်ဆိုပြီး ခက်မယ်ထင်လို့အတော်နှင့်မလုပ်စားဖြစ်ပါဘူး။ ခုတလော

ဘလော့ဂ်ရေးဖို့သိပ်ဈန်မဝင်တာနဲ့ လွယ်တာလေးပဲရေးတင်ဖြစ်ပါတယ်။ လုပ်စားဖူးသူ

တွေ အတော်များများရှိတာမို့ အမှတ်တရအနေဖြင့်သာရေးလိုက်ခြင်းရယ်ပါ။

ဖေ့စ်ဘွတ်ခ်ထဲက မိတ်ဆွေအမတွေက မြန်မာမုန့်တွေ၊ မြန်မာဟင်းတွေ အမျိုးမျိုးလုပ်စား

ပြီး ဓါတ်ပုံတွေတင်ကြတဲ့အပြင် လုပ်နည်းတွေပါ ဝေမျှပေးထားတာမို့ ကျေးဇူးတင်စရာပါ။

ကျမကတော့ မမညိုနဲ့မမကျော့ဆိုသော အမနှစ်ဦးထံမှ သိရပြီး လိုက်လုပ်တာ အလွန်

လွယ်ပြီး၊ စားလို့လည်းကောင်းတာမို့ အမနှစ်ဦးကိုကျေးဇူးတင်ပါတယ်ရှင်။

တိုဖူးပြုလုပ်နည်း

မွှေးတိုဖူးမှုန့်တစ်ဆ၊ ရေသုံးဆဖြင့်ရောမွှေကာ နာရီဝက်ခန့်အနည်ထိုင်အောင်ထားပါ

တယ်။ ယင်းနောက် အပေါ်ယံအရေကြည်ကိုအရင်ကျိုပြီး၊ အနည်းငယ်စေးလာလျှင် ကျန်

ရှိသော အနည်ထိုင်ထားနေသောတိုဖူးရည်ကိုမွှေပြီးထည့်ရင်း ၊နှံ့အောင်မွှေပေးပါတယ်။

အနည်းငယ်ပျစ်လာလျှင် ပလပ်စတစ်ဘူးပျော့ထဲထည့်ကာအအေးခံပါတယ်။

အပျစ်အကျဲပေါ်မူတည်ပြီး အမာအပျော့ကွာတာမို့ သည်နေရာလေးကအရေးအကြီးဆုံး

လို့ထင်ပါတယ်။

ကျမကတော့ ဂျပန်မှာရာသီအေးအေး၊ ရေဘုံဘိုင်ရေကလဲအေးအေးမို့ ဇလုံထဲရေအေး

ထည့်ကာ၊ယင်းတိုဖူးဗူးကိုထည့်ကာအအေးခံလိုက်တော့၁၅မိနစ်ခန့်ဖြင့်ခဲသွားပါတယ်။

တိုဖူးသုပ်ရန် အနှစ်ပြုလုပ်နည်း

ကျမကရှမ်းသုပ်လိုစေးစေးကလေးကိုကြိုက်ပါတယ်။ လုပ်နည်းသိသလားဆိုတော့မသိပါ

ဘူး။ အဲလိုဖြင့်ကောင်းမယ်ထင်တာ ထည့်ပြီးအနှစ်လုပ်တာ အတော်လေးကိုစားကောင်း

တာမို့ဝေမျှလိုက်ပါတယ်။

၁။ဆီအနည်းငယ်ထည့်ကာ ပူလာလျှင်မီးပိတ်ပြီး ကြက်သွန်ဖြူပါးပါးလှီးတာထည့်ကာ၊

မွှေးပြီး အညိုရောင်သန်းစပြုတာနှင့်မီးခေတ္တပိတ်ကာ

၂။မညက်တညက်ထောင်းထားသောမြေပဲနှင့် နှမ်းလှော်ထောင်းမှုန့်ကိုထည့်ပါတယ်။

တမျိုးဇွန်းကြီး၂ဇွန်းခန့်ပါ။ဆီပူလေးဖြင့်နှံ့အောင်မွှေလိုက်ပါတယ်။

၃။ယင်းနောက်ချက်ချင်း၊ ခရမ်းချဉ်သီးပါးပါးလှီးနုတ်နုတ်စင်းထားတာဇွန်းကြီး၃ဇွန်းခန့်

ထည့်ပါတယ်။

မီးပြန်ဖွင့်ပါတယ။်

ခရမ်းချဉ်သီးရေဓါတ်ကုန်ပြီး နူးပျော့သွားလျှင် ငံပြာရည်၊ အသားမှုန့်ထည့်ကာအနံမွှေး

သွားအောင်ဆီအနည်းငယ်ပြန်သည်အထိမွှေလိုက်ရုံပါပဲ။

ယင်းအနှစ်ဖြင့်တိုဖူးနယ်ကာစားတော့အတော်မြိန်ပါတယ်။ သူကတော့ကောင်းတယ်

ကို ၅ခါလောက်ပြောပြီးစားပါတယ်။ ရှောက်ရွက်မရှိတော့အလွယ်ပဲအိမ်မှာစိုက်ထားတဲ့

ပူတီနံကလေးတပွင့်ပန်ပေးလိုက်ပါတယ်။

အားလုံးပဲစားမြိန်ပါစေရှင်

Posted in: ၿမန္မာအစားစာ,ဟင္းအိုး