မညာပါနဲ့ (ဂျပန်ဗီဇာ)

တခြားနိုင်ငံတွေတော့မသိဘူးရှင်။ ဂျပန်မှာတော့ဗီဇာ(status)အနေထားကွာခြားမှုက

အတော်များပါတယ်။ကျောင်းသားဗီဇာဖြင့်ကျောင်းတက်နေသောကျောင်းသူကျောင်းသား

များ၊ အလုပ်ဗီဇာသမားများ၊ဂျပန်အစိုးရထောက်ပံ့သည့်ပညာတော်သင်များ၊ အိမ်ထောင်

သည်(မှီခိုများ)၊ အမြဲတမ်းနေထိုင်ခွင့်နှင့်ဂျပန်နိုင်ငံသားဗီဇာများစသဖြင့်ပါ။ ဒီဆောင်းပါး

မှာတော့ ဗီဇာတွေအကြောင်းပွင့်ပွင့်လင်းလင်းပဲရေးသွားဖို့စိတ်ကူးပါတယ်။

မြန်မာနိုင်ငံသားများအားကိုယ်စားပြုသော မြန်မာဟူသည့်စကားလုံးအားသုံးစွဲရေးသား

သွားပါမည်။

ခင်မင်ရင်းနှီးသူအချင်းချင်းကတော့ ဘာဗီဇာနဲ့နေနေသလဲဆိုတာကို ပွင့်ပွင့်လင်းလင်း

မေးလေ့ရှိပါတယ်။ သိတဲ့အတိုင်းဂျပန်ဟာ ဗီဇာခက်ခဲသောနိုင်ငံဖြစ်တာမို့ အချင်းချင်း

မေးမြန်းလေ့ရှိသလို၊ဗဟုသုတလည်းဖလှယ်လေ့ရှိပါတယ်။

ကျမကြားဖူးသော ဟိုးယခင်က ဂျပန်နိုင်ငံဟာ မြန်မာနိုင်ငံသားတွေအဖို့သိပ်ပျော်ဖို့

ကောင်းတယ်လို့ဆိုပါတယ်။ ထိုစဉ်ကဆိုလျှင် ငွေဈေးကလည်း အတော်ကွာဟတာမို့

ဂျပန်နိုင်ငံတွင်အလုပ်လုပ်သူများ အတော်ပဲစုမိဆောင်းမိရှိပါတယ်။ ယင်းအပြင် ဗီဇာ

သက်တမ်းလွန်ဖြင့်နေထိုင်သော မြန်မာတွေဟာလည်း အလွန်များပြားသောခေတ်ဖြစ်

ခဲ့ပါတယ်။ဂျပန်လူမျိုးတွေဟာအခြေခံအားဖြင့်ကျင့်ဝတ်နှင့်အကျင့်စာရိတ္တ(manner

& character)ကို အလွန်အလေးထားထိန်းသိမ်းပြီး၊ အလုပ်အလွန်လုပ်သူများဖြစ်ကာ

နှိမ့်ချကူညီတတ်သောဓလေ့ရှိတာမို့ ထိုစဉ်က ဗီဇာရက်လွန်နေထိုင်သူများသည် အ

လွန် ချောင်ချိသည်ဟုဆိုပါသည်။ အရက်မူးကာ လမ်းဘေးလဲလျှင် ဂျပန်ရဲက အိမ်တိုင်

ယာရောက် လိုက်ပို့ပေးသည့်ခေတ်ဖြစ်ခဲ့ပါသည်။ သို့ငြား ဂျပန်သည် အဖွဲ့အစည်း

စနစ်ကိုအလေးပေးသည့် အထက်အောက် သြဇာလွှမ်းမိုးမှုကြီးမားသည့်နိုင်ငံလည်း

ဖြစ်တာမို့ တဆက်တည်းမှာပင် ကြီးနိုင်ငယ်ညှဉ်း အောက်ကလူကိုနိုင်တတ်သောဓလေ့

ကိုလည်း ပညာမဲ့လူတန်းစားတွင် အတွေ့များလေ့ရှိပါသည်။ သို့ငြားခြုံ၍ဆိုရသော်

ကြင်နာသဘောကောင်းသူတွေများသည့်နိုင်ငံမို့ နေပျော်သည့်နိုင်ငံဖြစ်ပါသည်။

ယခင်ကဆိုလို့ နိုင်ငံတွင်း လူငယ်ဦးရေနည်းသည်မို့ လုပ်သားအင်အားလည်းနည်းပါး

သည့်နိုင်ငံအဖြစ် နိုင်ငံခြားသားအလုပ်သမားတွေကို ကိုင်းကျွန်းမှီ၊ ကျွန်းကိုင်းမီဖြင့်မသိ

ကျိုးကျွံပြုကာအနေချောင်ခဲ့သည်။ သို့ငြားနိုင်ငံခြားသားမှကျူးလွန်သောလူမဆန်သည့်

ရာဇဝတ်မှုတွေများပြားလာသောအခါ၊ နဂိုမူလ မျိုးချစ်စိတ်ကြီးမားသောလူမျိုးဖြစ်သည်

နှင့်အညီ တဖြည်းဖြည်း နိုင်ငံတွင်းတွင် တရားမဝင်နေထိုင်မှုများပပျောက်ရေးနှင့်နိုင်ငံ

ခြားသားများကို စာရင်းအင်းဖြင့်စနစ်တကျ ကိုင်တွယ်ထိန်းချုပ်ရန်ကြိုးပမ်းလာမှုနှင့်အ

တူ တရားမဝင်နေထိုင်ခြင်းအား တင်းကျပ်စွာစစ်ဆေးခြင်း၊ ဖမ်းဆီးခြင်း၊ ဇာတိနိုင်ငံအား

ပြန်ပို့ခြင်းစတာတွေအပြင် ပြည်ဝင်ခွင့်ဗီဇာကိုလည်း တင်းကျပ်စွာစစ်ဆေးပြီးမှသာဝင်

ခွင့်ပြုလာသည်ကိုတွေ့ရသည်။

ထို့ကြောင့် လက်ရှိဂျပန်နိုင်ငံတွင် တရားမဝင်နေထိုင်သူသည် မရှိသလောက်နည်းပါးလာ

ပါသည်။ တချိန်တည်းတွင် မြန်မာနိုင်ငံတွင်း ဆန္ဒပြပွဲများ၊ ရုန်းယင်းဆန်ခတ်မှုများစသည့်

နိုင်ငံရေးနှင့်ပြည်တွင်းရေးမတည်မငြိမ်ဖြစ်မှုနှင့်အတူ ဂျပန်နိုင်ငံတွင်လည်း ဒုက္ခသည်ဗီဇာ

လျှောက်ထားကာ နေထိုင်သော မြန်မာတွေလည်းများပြားလာသည်ကိုတွေ့ရသည်။

အကြောင်းရင်းမှာ ဂျပန်နိုင်ငံ အထူးသဖြင့်တိုကျိုမြို့သည် ကမ္ဘာပေါ်တွင် စားဝတ်နေရေး

စရိတ်ဈေးကြီးသည့်ထိပ်ဆုံးမြို့များတွင်တမြို့အပါဝင်ဖြစ်သည်။ ကျောင်းလခများလည်း

ဈေးကြီးသည်။ တနှစ်စာကျောင်းလခသည် မြန်မာငွေဖြင့်သိန်းတရာဝန်းကျင်ဖြစ်တာမို့

ကျောင်းသားများရော၊ ၃လအလည်ဗီဇာဖြင့်လာလည်ကြသူများရော နိုင်ငံရေးဒုက္ခသည်

ခိုလှုံခွင့်လျှောက်ထားသူတွေများလာခြင်းပင်ဖြစ်သည်။ ဒုက္ခသည်လျှောက်ထားရာတွင်

ဒုက္ခသည်ဗီဇာရရှိဖို့ရာ ရေပန်းအစားဆုံးအလုပ်တခုမှာဆန္ဒပြပွဲများသွားရောက်ဆင်နွှဲခြင်း

ယင်းကိုဓါတ်ပုံများရိုက်ကူးခြင်းစသည်တို့ဖြစ်ပေသည်။

ယခင်က တရုတ်၊ကိုရီးယား၊ထိုင်းလူမျိုးတို့ကိုအလုပ်ခေါ်ကြော်ငြာများတွင်တွေ့ရသ

လောက် မြင်ရခဲသောမြန်မာနိုင်ငံသားဖြစ်ခဲ့ငြား၊ ယခုလတ်တလောတွင်မတော့ မြန်မာ

နိုင်ငံဧ။်အပြောင်းအလဲသတင်းတွေနှင့်အတူ မြန်မာနိုင်ငံသားအချို့အလုပ်ရသည့်သတင်း

များကို ရံဖန်ရံခါဆိုသလိုကြားလာရပါသည်။ မြန်မာပြည်သည် ဤပုံစံအတိုင်းသာ မပြောင်း

မလဲ၊ ဖောက်ပြန်နောက်ဆုတ်ခြင်းမရှိပဲ ဒီမိုကရေစီနိုင်ငံဆီသို့ ခပ်မှန်မှန်လျှောက်လှမ်းသွား

ပါလျှင် မြန်မာနိုင်ငံသားတွေအဖို့ အလုပ်အကိုင်တွေတိုးပွားလာဦးမည်ကိုခန့်မှန်းရပါသည်။

လတ်တလော ဂျပန်နိုင်ငံသည် ငလျှင်ဒါဏ်ဖြင့်စက်ရုံအလုပ်ရုံအများစု ပျက်ဆီးဆုံးရှုံးခဲ့ရ

သည့်အပြင် ထိုင်းနိုင်ငံရေကြီးမှုကြောင့် စက်ရုံအများစုအထိနာခဲ့ရပါသည်။ ယင်းအပြင်

ဒေါ်လာဈေးကျမှု၊ ယမ်းငွေတန်ဖိုးမာမှုနှင့် ဂျပန်နိုင်ငံတွင်းရှိ လုပ်သားစရိတ် ကြီးမြင့်မှု

ကြောင့်ဂျပန်နိုင်ငံတွင်းထုတ်လုပ်သည့်ကုန်စည်များသည် နိုင်ငံခြားဈေးကွက်တွင် ရောင်း

ရလျှင် ရောင်းရသလောက် အရှုံးပေါ်သည့် ပြဿနာနှင့်ရင်ဆိုင်နေရပေသည်။ထို့ကြောင့်

လုပ်သားစရိတ်နည်းပါးပြီး၊ အခြေခံအားဖြင့် ကြင်နာကြသည်ဟု ဂျပန်အများစုကသုံးသပ်

သော၊ ရေမြေအနေထားကောင်းမွန်သော မြန်မာနိုင်ငံကို ဂျပန်လုပ်ငန်းရှင်များက စိတ်ဝင်

စား အာရုံစိုက်မှုများ များပြားလာသည်ကို တွေ့ရပါသည်။

ကျမလည်းမြန်မာနိုင်ငံသားတဦးပေမို့ လူတွေကိုယ်စီကိုယ်စီ အကြောင်းကိုယ်စီရှိတာမို့

ကိုယ်ချင်းစာသလို၊ဘာဗီဇာဖြင့်နေသလဲဆိုတာထက်စာရိတ္တနှင့်ကျင့်ဝတ်ကိုအလေးထား

ကာ ပေါင်းသင်းဆက်ဆံသူမို့ ပေါင်းသင်းဆက်ဆံရေးမှာ သူငယ်ချင်းကဘာဗီဇာဆိုတာကို

စိတ်ထဲမထားတတ်ပါဘူး။ အထူးသဖြင့် ပိုလို့တောင်သတိထားပြီးအလေးပေးဆက်ဆံပါ

တယ်။ ဂျပန်မှာ ဗီဇာကောင်းကောင်းရထားလျှင် ဆရာကြီးစတိုင်နှင့်ငါလိုလူဇဗ(ဗ)ူမှာမရှိ

ဟူသော လူအချို့လည်းတွေ့ဖူးပါသည်။ ထို့ကြောင့် ခပ်တည်တည်နှင့်ညာသူတွေလည်း

ရှိလာခြင်းဖြစ်ပါလိမ့်မည်။ သို့ငြား ကျမသူငယ်ချင်းတွေကိုတော့ ကျမကိုမညာစေလိုပါဘူး

ရှင်။

အားလုံးကိုယ်ရောစိတ်ပါကျမ်းမာချမ်းသာကြပါစေရှင်

Posted in: ဂ်ပန္မွာ,သိသမွ်ၾကဳံသမွ်